Aldaǵy ýaqytta 900 aǵash kesiledi.
Almaty ákimi Erbolat Dosaev 20 qazanda Bostandyq aýdanynyń turǵyndarymen kezdesý barysynda osy aýdanda jaıly orta qurý jumystaryn qalaı júrip jatqanyn aıtty, dep habarlaıdy Almaty-akshamy.kz.
«Ótken kezdesýlerde avarıalyq jaǵdaıdaǵy aǵashtardy kesý, ásirese turǵyn úılerdiń aýlasyndaǵy jasyl jelekterdi sanıtarlyq kesý týraly suraqtar jıi qoıyldy.Qazir qalada avarıalyq jaǵdaıdaǵy 5 myń aǵashty kesý jumystary bastaldy, onyń ishinde Bostandyq aýdanynda 900 aǵash kesiledi. Qazirgi ýaqytta aýdannyń 3 kóshesindegi (Gagarın dańǵyly, Abaı dańǵyly, Sátbaev kóshesi) avarıalyq jaǵdaıdaǵy 207 aǵash otaldy, sanıtarlyq maqsatta 4500 aǵash kesildi», - dedi qala basshysy.
Ákimniń aıtýynsha, aýdanda jańbyr kezinde únemi sý basyp ketetin 5 ýchaske bar.
«Tótenshe jaǵdaılar jelisi boıynsha bul problemany tezdetip sheshý úshin bıyl qyrkúıek aıynda aryq ótkelderin qalpyna keltirý jáne aryq jelisin salý jumystary bastaldy.2 aryq ótkelin rekonstrýksıalaý jumystary aıaqtaldy (Jarokov jáne Sátbaev kósheleriniń qıylysy, Baıtursynov jáne Sátbaev kósheleriniń qıylysy).Qalǵan 3 ýchaskeni joıý jumystaryn 2022 jyldyń jeltoqsanyna deıin aıaqtaý josparlanǵan (ál-Farabı – Remızovka, Ál-Farabı – Gagarın, Tımırázev – Gagarın kósheleri)», - dedi Erbolat Dosaev.
Onyń sózine júginsek, bıylǵy qazan aıynyń sońyna deıin ál-Farabıden Abaı dańǵylyna deıingi uzyndyǵy 4,5 km Úlken Almaty jaǵalaýyn rekonstrýksıalaýǵa jáne abattandyrýǵa jobalaý-smetalyq qujattamany ázirleý aıaqtalady. 2022 jyldyń qarasha aıynyń sońyna deıin joba boıynsha saraptamanyń shyǵýyn kútemiz. Jobany iske asyrý 2023 jyldyń II toqsanynda bastalady.