Almaty ákimi Erbolat Dosaev Bostandyq aýdanynda jańa emhanalardy kúrdeli jóndeý jáne salý týraly aıtty
Bostandyq aýdanynyń turǵyndarymen kezdesýde Almaty ákimi Erbolat Dosaev densaýlyq saqtaý ınfraqurylymynyń damýy týraly habarlady. Medısınalyq qyzmetterdiń sapasyn arttyrý úshin medısınalyq obektilerdiń qurylysy men jańǵyrtylýy belsendi júrgizilýde.
2024 jyldyń jeltoqsanynda Perınatologıa jáne balalar kardıohırýrgıasy ortalyǵynyń emhanasyna kúrdeli jóndeý aıaqtaldy. Jańartylǵan medısınalyq mekeme qaýipsizdik pen jaılylyqtyń joǵary standarttaryna sáıkes keledi. Emhanada konsýltatıvtik-dıagnostıkalyq bólimshe, áıelder konsýltasıasy ornalasqan, onda medısınalyq qyzmetterdiń keń spektri kórsetiledi. Ortasha alǵanda, emhana kúnine 250-den astam naýqasqa qyzmet kórsetedi.
Orbıta-2,29a úı sh/a ornalasqan №4 emhana fılıalynda kúrdeli jóndeý aıaqtalyp qaldy. Popov kóshesi, 23 mekenjaıyndaǵy №12 emhananyń negizgi ǵımaratyn kúrdeli jóndeý 90%-ǵa aıaqtaldy. Jumysty osy kóktemde aıaqtaý josparlanýda.
Sondaı-aq, qala ákimi jańa emhanalardyń qurylysy týraly habarlady.
«Aldyńǵy kezdesýlerde ýáde etilgendeı, naýryz aıynda biz Serkebaev dańǵyly men Levıtan kóshesiniń qıylysynda 500 adam qabyldaıtyn emhana salýǵa kiristik. Jumystardy aǵymdaǵy jyldyń qarasha aıynyń sońyna deıin aıaqtaý josparlanýda», - dedi Erbolat Dosaev.
Budan basqa, 2025 jylǵy maýsymda memlekettik saraptamanyń qorytyndysyn alǵannan keıin ál-Farabı dańǵyly men Sanatornaıa kóshesiniń qıylysynda 500 adam qabyldaıtyn ekinshi emhananyń qurylysyn bastaý josparlanýda.
Eki emhana da zamanaýı standarttarǵa saı bolady, olarda KT jáne MRT apparattarymen jabdyqtalǵan klınıkalyq-dıagnostıkalyq ortalyqtar qarastyrylǵan.
Aıta keteıik, Bostandyq aýdanynyń turǵyndaryna tórt memlekettik emhana qyzmet kórsetedi, olar: №4, 7, 12, 17, sondaı-aq, memlekettik tapsyrys boıynsha jumys isteıtin jeke medısınalyq ortalyqtar.