Bostandyq aýdanynda 4077 oqýshy orny tapshy. Aýdan turǵyndarymen kezdesýde qala ákimi Erbolat Dosaev bul máseleni sheshý úshin Sátbaev kóshesi, 101 mekenjaıynda 300 oryndyq №65 mektepke qosymsha qurylys salynyp jatqanyn aıtty, dep habarlaıdy Almaty-akshamy.kz.
Jumys 1 qyrkúıekke deıin aıaqtalady. Qyrkúıek aıynan bastap sóıleý qabileti buzylǵan balalarǵa arnalǵan №9 mektep-ınternat ashylyp, 120 oryndyq qosymsha qurylysy aıaqtalady.
«Bıznestiń áleýmettik jaýapkershiligi sheńberinde «RAMS Qazaqstan» qurylys kompanıasy «RAMS Sıtı» kóppáterli turǵyn úı kesheniniń aýmaǵynda 1 100 oryndyq mekteptiń qurylysyn júrgizýde. Aıaqtalýy – 2024 jyldyń tamyz aıy, sonymen qatar, 240 oryndyq 2 balabaqshanyń qurylysyn bastap, 2024 jyldyń tamyz aıynda aıaqtaý josparlanǵan. Jyl basynan beri aýdanda 657 balany qamtyǵan 6 jeke menshik jáne 1 memlekettik balabaqsha ashyldy», - dedi Erbolat Dosaev.
Sátbaev kóshesi, 90 mekenjaıynda «Konkrıt prodakts» JSHS zaýyty kóshkennen keıin osy jyldyń qazan aıynda «Hit Building» JSHS 900 oryndyq mektep qurylysyn bastaıdy. Tapsyrý merzimi shamamen 2024 jyldyń tamyzy. «Jaıly mektep» ulttyq jobasy aıasynda 3 mektep salý josparlanǵan: Egizbaev kóshesi, 9 mekenjaıynda 2 500 oryndyq, Rozybaqıev-Levıtan kósheleriniń qıylysynda 1 500 oryndyq jáne Rozybaqıev – Qojabekov qıylysynda 2 000 oryndyq. Bul jumys kelesi jyldyń sońyna deıin aıaqtalady.