2025 jyly tehnıkalyq trotýarlardy salý jumystary zamanaýı kóriktendirý standarttaryna sáıkes júrgiziledi, dep habarlaıdy Aqshamnews.kz
Jańa jobalar qala ortasynyń jaılylyǵy, ekologıalyq tazalyǵy jáne tartymdylyǵyn arttyrýǵa baǵyttalǵan. Qala ákiminiń tapsyrmasyna sáıkes, 11 magıstraldi kóshede tehnıkalyq trotýarlar tóseledi. Bul týraly Bostandyq aýdany ákimdigi habarlady.
Joba aıasynda Sadyqov, Mustafın, Isınalıev, Tilendıev, Radostoves, Ǵabdýllın, Kekilbaıuly, Naýryzbaı batyr, Markov, Ótepov kósheleri jáne Buqar Jyraý býlvary qamtıdy
Aýdan ákimdiginiń málimetinshe, ótken jyly 6 magıstraldi kóshede tehnıkalyq trotýarlar salynǵan. Olar: Abaı dańǵyly, Baızaqov kóshesi, ál-Farabı dańǵyly, Serkebaev dańǵyly, Jarokov kóshesi jáne Tımırázev kóshesi.
«Tehnıkalyq trotýar jaıaý júrginshiler men kólik qozǵalysyn naqty bólip, jol-kólik oqıǵalarynyń qaýpin azaıtady. Biz turǵyndar úshin barynsha yńǵaıly jaǵdaı jasaýǵa tyrysamyz», – dedi aýdannyń ınjenerlik jáne jol ınfraqurylymy bóliminiń ókilderi.
Olardyń málimetinshe, jumys jyl boıy jalǵasady.
Tehnıkalyq trotýar magıstraldi kóshelerde ornalasqandyqtan, ol topyraqtyń shaıylýyna jol bermeıdi, qardy sapaly túrde tazalaýǵa múmkindik beredi. Sonymen qatar, mundaı trotýarlar sý aǵyzý máselesin sheship, nóser jańbyr kezinde kóshelerdiń sý astynda qalýyn boldyrmaıdy.
Buǵan qosa, bıyl joldardy aǵymdaǵy jóndeý jumystary jalǵasady. Qazirgi ýaqytta merdiger uıymdy anyqtaý boıynsha baıqaý rásimderi qolǵa alynǵan. Jóndeý jumystary kelisimshart jasalǵannan keıin bastalady.