Abaı oblysynyń Aıagóz aýdanynda qarly boranda mal izdeýge shyǵyp joǵalyp ketken 8 jasar bala aman-esen tabyldy, dep habarlady polisia.kz.
Oblystyq polısıa departamentiniń habarlaýynsha, 11 aqpanda saǵat 18.00 shamasynda Aıagóz aýdanynyń polısıa bólimine jergilikti turǵyndar kámeletke tolmaǵan 2015 jyly týǵan uly Imanǵalı Mereı Nurjanulyn izdeýge járdemdesý týraly ótinish bildirgen.
Sýret: Polisia.kz
«Balany izdeý dereý bastaldy, polısıa bóliminiń barlyq jeke quramyna dabyl qaǵyldy. Polıseılerden basqa Aıagóz qalasynda ornalasqan áskerı bólimderdiń áskerı qyzmetshileri, tótenshe jaǵdaı qyzmetkerleri, eriktiler jáne aýdannyń qamqor turǵyndary izdeýge belsendi qatysty. Jaǵdaı ishki ister mınıstriniń erekshe baqylaýynda boldy», - dep atap ótti oblystyq polısıa departamentiniń bastyǵy Bektóre Sultan.
İzdeý is-sharalary 4 saǵattan astam júrgizildi, aýa raıy jaǵdaıy jedel-izdestirý is-sharalaryn qıyndatsa da, balany izdeýge 100-den astam adam qatysty.
Polısıa men qutqarýshylardyń arnaıy qarda júretin kóliktermen jáne atpen júrdi. Áýege 5 dron «kóterildi.
Sýret: Polisia.kz
Qabyldanǵan sharalardyń nátıjesinde qaıǵyly jaǵdaıǵa jol berilmedi, tártip saqshylary jergilikti turǵyndarmen birge eldimekenniń shetinde balany kezdestirdi. Borannyń kesirinen bala baǵdardan adasyp qalǵan. Boran basylǵan sátte ol ózin izdegenderdiń shamyn kórip, sol baǵytqa qaraı júrgen. Qazirgi ýaqytta bala ata-analarǵa tapsyryldy. Onyń densaýlyǵyna eshqandaı qaýip tónip turǵan jo. Balany izdeýge qatysqandardyń barlyǵyna alǵysymdy bildiremin», - dedi S. Bektóre.
Sýret: Polisia.kz
