30 qyrkúıekte Qaırat Boranbaevqa qatysty isti tergeý aıaqtaldy
Qarjylyq monıtorıń agenttiginiń (QMA) jeke qaýipsizdik departamenti júrgizgen jedel is-sharanyń nátıjesinde agenttiktiń jekelegen qyzmetkerleriniń sybaılas jemqorlyq quqyq buzýshylyq jasaý faktisi anyqtaldy, dep habarlaıdy Almaty-akshamy.kz.
«Máselen, tergeýmen qamaýǵa alynǵan Q.S. Boranbaevtyń týysy – A.T. Boranbaevtyń jedel bólimshelerdiń jekelegen qyzmetkerlerine zańsyz syıaqy berý faktisi áshkerelendi», - delingen habarlamada.
Sot A.T. Boranbaevqa jáne eki qyzmetkerge qatysty QMA ótinishi boıynsha qamaýda ustaý túrindegi bultartpaý sharasyna sanksıa berdi.
Qazirgi ýaqytta QMA jeke qaýipsizdik departamenti sotqa deıingi tergep-tekserýdi júrgizýde.
«Qylmystyq-prosestik kodekstiń 201-babynyń talaptaryna sáıkes, ózge aqparat jarıa etilýge jatpaıdy», - delingen Qarjylyq monıtorıń agenttiginiń baspasóz qyzmeti taratqan málimette.
17 naýryzda qazaqstandyq kásipker Qaırat Boranbaevtyń ustalǵany belgili boldy. Qarjy monıtorıńi agenttigi kvazımemlekettik sektorda asa iri mólsherde qarajat urlaý faktisi boıynsha qylmystyq isti tergep jatyr.
30 qyrkúıekte Qaırat Boranbaevqa qatysty isti tergeý aıaqtaldy.
23 qarashada kásipkerdi qamaýǵa ustaý merzimi taǵy eki aıǵa uzartyldy.