Bas bostandyǵynan aıyrý jazasynyń ótelmegen bóligi bas bostandyǵyn shekteý túrindegi jazaǵa aýystyrylǵan Qaırat Boranbaev 2023 jylǵy 6 qarashada bas bostandyǵynan aıyrý oryndarynan bosatylyp, turǵylyqty jeri boıynsha jazasyn óteý ornyna jiberilgen.
Mekeme ákimshiligi sottalýshyǵa tirkeý úshin probasıa qyzmetine kelý baǵyty men ýaqytyn kórsete otyryp, jazasyn óteý ornyna ketýge uıǵarym beredi, sondaı-aq ony sıpattaıtyn materıaldardy probasıa qyzmetine jiberedi.
Úkimdi aýystyrý kezinde kelesi mán-jaılar eskerildi:
- sottalǵan adam jaza merziminiń 1/3 bóligin (2 jyl 4 aı 5 kún) ótedi;
- memleketke keltirilgen zalaldy tolyǵymen ótep, tergeýge kómektesti jáne isine ókinedi;
- qamaýda ustaý kezinde oǵan oń sıpattama berildi.
BORANBAEV NE ÚSHİN QAMALDY?
Qaırat Boranbaev 2022 jyldyń naýryzynda qamaýǵa alyndy. Sot sol jyldyń jeltoqsanynda bastaldy.
Tergeý málimetine sáıkes, Qaırat Boranbaev óziniń senimdi adamy Roman Nahanovpen, Ibýlla Serdi jáne Taıyr Januzaqpen («QazaqGaz» UK» AQ bas dırektorynyń ekonomıka jáne qarjy boıynsha orynbasary) birge 2019 jyldyń 1 shildesinen 2022 jyldyń 11 aqpanyna deıin «AzıaGazCHýndja» JSHS men «QazaqGaz» UK» AQ arasynda kelisimge kelgen, kompanıa 2 mln 26 myń 419 tekshe metr gazdy 141 681 676 272 teńgege jetkizýge kelisken.
Kelisimge sáıkes «QazaqGaz» UK» AQ Boranbaev kompanıasyna kórsetilgen somany aýdarǵan. Sotta kásipkerlerdiń gazdy arzanǵa satyp alýǵa bolatynyna qaramastan, memleket qarajatyn jumsaǵanyn anyqtady.
Sot-ekonomıkalyq saraptamanyń qorytyndysyna sáıkes, «AzıaGazCHýndja» JSHS-dan «QazaqGaz» UK» AQ satyp alǵan gazdyń quny men «Gazprom eksport» JSHS-dan «AzıaGazCHýndja» JSHS satyp alǵan gazdyń quny arasyndaǵy aıyrmashylyq 14 565 318 010 teńgeni qurady. Qylmystyq is boıynsha bul soma tolyq kólemde óteldi.