Almatyda «Boran» kórkem fılminiń resmı kórsetilimi ótti. Fılmniń oqıǵasy keńes zamanynda, ótken ǵasyrdyń 80-shi jyldarynyń sońynda órbıtin jas jigittiń hıkaıasyn baıandaıdy, dep habarlaıdy Almatydaǵy Almaty-akshamy.kz BAQ.KZ-ke silteme jasap.
Aqtútek boranda jigit shuǵyl kórshi aýylǵa attanyp, adasyp ketkende, ony qart ańshy taýyp alady. Úı ıelerimen sóıleskennen keıin jigit Qytaı shekarasynan asyp ketkenin túsinedi. Kınokartınany qarjylandyrdy. Fılmniń rejıseri – «Oralman», «Seker» fılmderine rejıserlik etken Sábıt Qurmanbekov.
Bul fılm syrttaǵy qandastarymyz jaıly. Ótken ǵasyrdyń 80-shi jyldaryndaǵy kezeń beınelenedi. Jas jigit malshylarǵa jem-shóp tasyp júrip, Qytaı shekarasyna ótip ketedi. Adasyp, qıyn jaǵdaıǵa túsedi. Ony shal taýyp alyp, basyn báıgege tigip, qutqarady. Sebebi ol kezde shekarany basyp ótý qylmys bolyp esepteletin edi. Bir sózben aıtqanda, kishkentaı oqıǵa adamgershiliktiń, jaqsylyqtyń, erliktiń shekarasy bolmaıtynyn baıandaıdy. Fılm Jetisý obylysynda Kóksý, Tekeli, Qapal mańaıynda túsirilgen. Bul oqıǵa shynaıy oqıǵaǵa negizdelgen. Sol kezderde gazet baspalarynda osy jigittiń oqıǵasy jarysa jazylǵan. Fılmdi Qytaıda túsire almadyq, pandemıaǵa baılanysty bara almadyq. Osylaısha, úıleri, tabıǵaty uqsas Qapal aýylynda túsirdik. Meniń bul kezeńdi alǵan sebebim – sol kezdiń adamdarynyń turmys-tirshiligin, adamgershilik qasıetterin kórsetkim keldi, – deıdi Sábıt Qurmanbekov.
Kınoortalyqtyń basqarma tóraǵasynyń orynbasary Baýyrjan Shókenov qazaq tarıhyndaǵy adamı qundylyqtarǵa negizdelgen oqıǵalardy baıandaıtyn fılmniń qazaq kórermenderine jetýi mańyzdy ekenin atap ótti.
Shyn máninde, túsirilgen ár fılmniń prokatqa shyǵýy – úlken jeńis. Menińshe, bizdiń kınematografta «jańa arthaýs kınosy» paıda bolyp jatyr. Búgingi is-sharamyz úlken bastamalardyń aldy bolsyn, – dedi Baýyrjan Shókenov.
Fılmniń álemdik premerasy 2022 jyly XVI Halyqaralyq «Eýrazıa» kınofestıvalinde ótti.
Men kópten beri Sábıt Qurmanbekovpen jumys isteýdi qalap júrgen edim. Tilegim oryndaldy. Kastıngke kelgende, ózimdi jaqsy kórsete aldym. Sebebi teatrdaǵy O.Bókeıdiń «Qar qyzy» qoıylymyndaǵy Nurjan degen basty keıipkerdi somdaıtyn edim. Ekeýiniń obrazy bir boldy. Degenmen kınoǵa túserde qatty tolqydym. Sábıt aǵaıdyń sheberliginiń arqasynda bir apta boıymdy túsirilim alańyna úırettim. Fılm 2-3 aıdyń ishinde túsirildi. Qardy boranda túsirilgendikten, sol sátti kórermenge jetkizýge tyrystym. Fılmge segiz adam qatysty, – deıdi basty keıipker Maǵjan Turys.
