Astana halyqaralyq áýejaıynan Astana-Almaty baǵyty boıynsha ushyp bara jatqan jolaýshy tirkeý kezinde ózimen birge bomba bar ekenin aıtqan.
Áýejaıda dabyl qaǵylyp, qyzmetkerler nysandy shuǵyl tekserýge májbúr boldy. Alaıda Astana halyqaralyq áýejaıynyń avıasıalyq qaýipsizdik qyzmetindegiler eshqandaı jarylǵysh zattyń nysan aýmaǵynda joq ekenin anyqtady, dep habarlaıdy Almaty-akshamy.kz Elorda.info saıtyna silteme jasap.
Jarylǵysh zat týraly jalǵan habar bergen jolaýshy reısten shettetilip, jelilik polısıa bólimi qyzmetkerlerine tapsyryldy. Qazir jolaýshyǵa qatysty QR QK 273-baby boıynsha qylmystyq is qozǵaldy.
«Áýejaı – strategıalyq mańyzdy nysan. Munda kelgen ár jolaýshy ushaqqa otyrmas buryn jiti tekseriledi. Jarylǵysh zat týraly jalǵan aqparat bergen jolaýshy óziniń túsiniktemesinde «bir qyzdy unatyp, soǵan ázildemek nıette» aıtqanyn jetkizdi. Alaıda avıasıalyq qaýipsizdik ázildeýge kelmeıtin taqyryp. Sondyqtan jolaýshylardan áýejaıdyń tekserý qyzmetine jaýapkershilikpen qarap, jarylǵysh zat týraly jalǵan aqparat taratpaýyn suraımyz», - dedi «Nursultan Nazarbaev Halyqaralyq áýejaıy» AQ PR qyzmetiniń basshysy Toıgúl Jýbanısova.
Jyl basynan beri Astana halyqaralyq áýejaıynda jarylǵysh zat týraly jalǵan aqparat berý boıynsha 30 is tirkelgen.