Aqmola oblysynda prokýrorlar bolmaǵan tótenshe jaǵdaılardyń saldaryn joıý boıynsha zańsyz jasasqan sharttardy anyqtady
Birjan sal aýdanynyń prokýratýrasy memlekettik satyp alý salasyndaǵy zańdylyqtyń saqtalýyna taldaý júrgizý barysynda jergilikti atqarýshy organ 3 mln. teńgeden astam somaǵa qyzmettik avtokólikter men ǵımarattarǵa jóndeý jumystaryn júrgizýge, konkýrs ótkizbeı, bir kózden memlekettik satyp alý týraly 3 shart jasaǵany anyqtaldy. Konkýrs ótkizbeý sebebi retinde, tótenshe jaǵdaı saldaryn joıý qajettiligin kórsetken.
Alaıda, prokýrorlar anyqtaǵandaı, Birjan sal aýdanynyń aýmaǵynda tótenshe jaǵdaılar jarıalanbaǵan, ıaǵnı memlekettik satyp alý týraly sharttar negizsiz jasasqan.
Prokýrorlyq qadaǵalaý aktisin qaraý nátıjesinde laýazymdy tulǵa aıyppul túrinde ákimshilik jaýapkershilikke tartyldy.