Terorıstik toptyń jumysyna qatysqany úshin qylmystyq jaýapkershilikke tartý maqsatynda Qazaqstan azamaty elge jetkizildi.
Bul týraly Bas prokýratýranyń baspasóz qyzmeti málim etti, dep habarlaıdy almaty-akshamy.kz 24.kz-ke silteme jasap.
Bas prokýratýra, Ulttyq qaýipsizdik komıteti jáne İİM Interpolynyń qyzmetkerleri Qazaqstan Respýblıkasy Syrtqy ister mınıstrliginiń járdemdesýi arqyly Bolgarıa Respýblıkasynan Qazaqstannyń azamatyn terorıstik toptyń jumysyna qatysqany úshin qylmystyq jaýapkershilikke tartý maqsatynda ekstradısıalady. Ol radıkaldy dinı aǵymnyń qoldaýshysy bola tura, 2015 jyly Sırıa Arab Respýblıkasynyń aýmaǵyna baryp terorıstik toptardyń biriniń quramyna kirgen - delingen habarlamada.
Osyǵan baılanysty oǵan qatysty sotqa deıingi tergep-tekserý bastalyp, halyqaralyq izdeý jarıalandy.
Bıyl mamyr aıynda ol Bolgarıa aýmaǵynda ustaldy.
Qazirgi ýaqytta kúdikti Astana qalasynyń tergeý ızolátoryna qamaýǵa alyndy.
Fıgýrantty ekstradısıalaý Bolgarıa tarapymen 2014 jylǵy 14 qarashadaǵy adamdardy ustap berý týraly ekijaqty sharttyń bolýyna baılanysty múmkin boldy.
Oǵan aıyp taǵylǵan qylmys úshin múlikti tárkileýmen birge 8 jyldan 12 jylǵa deıingi merzimge bas bostandyǵynan aıyrý túrindegi jaza kózdelgen.