Bolat Sadyqov, Almaty qalalyq máslıhatyndaǵy AMANAT partıasynyń depýtaty: Bul uǵym halqymyz úshin qasterli
1 naýryz – partıanyń qurylǵan kúni. 23 jyl buryn elimizdegi eń basty saıası uıymnyń negizi qalandy.
Partıa halyqty ortaq maqsatqa jumyldyrdy. Qoǵamǵa paıdaly kóptegen bastamalar kóterip, saılaýshylardyń qoldaýyna ıe boldy.
AMANAT partıasy alǵashqy qurylǵan kúnnen bastap tyń bastamalar kóterip, jaýapty sheshimder qabyldaýǵa uıytqy bolyp qana qoımaı, elmen etene qaınasyp, halyqtyń múddesin qorǵaıtyn birden-bir qoǵamdyq uıymǵa aınaldy.
AMANAT búginde ózin halyqtyq partıa ekenin sózben ǵana emes, tyndyrymdy isimen de dáleldep keledi. Sondyqtan biz aldaǵy ýaqytta da el ıgiligi úshin aıanbaı eńbek etýimiz qajet.
Búgin de AMANAT partıasy jaýapty saıası kúsh retinde barlyq qıyndyqtar men synaqtardy halyqpen birge bólisip, elimiz úshin kúrdeli ári ómirlik mańyzy bar sheshimder qabyldady.
Prezıdentimiz, partıa Tóraǵasy Qasym-Jomart Kemelulynyń basshylyǵymen jańǵyrýdyń 7 negizgi basymdyǵy bekitildi. Partıa memleketti damytýǵa, ony ozyq elderdiń qataryna qosýǵa, halyq turmysyn jaqsartýǵa kúsh salatynyna senimdimiz!
Zaman, qoǵam, adam ózgerip jatqanda, partıanyń ózgerýi – zańdylyq. Bul – ýaqyt talaby. Osyǵan oraı, partıanyń ataýy AMANAT dep ózgertildi. Bul uǵym bizdiń halqymyz úshin asa qasterli.
«Jańa Qazaqstandy» qurý jolyndaǵy birlesken eńbegimiz berekeli bolsyn!