Almaty ákimdigi «Almaty – adamdar úshin jahandyq qala» baǵdarlamasyna qatysty Almaty qalalyq máslıhatyndaǵy AMANAT partıasynyń depýtaty Bolat Sadyqov pikir bildirdi, dep habarlaıdy Almaty-akshamy.kz.
«Almaty ákimi Erbolat Asqarbekuly Dosaev shahar turǵyndaryna úndeý jasap, «Almatynyń 2025 jylǵa deıingi damý josparynyń negizgi basymdyqtary men 2030 jylǵa deıingi orta merzimdi perspektıvalary» kórsetilgen «Almaty – adamdar úshin jahandyq qala» baǵdarlamasyn usyndy. Qalamyzdyń kórkeıýi úshin almatylyqtardyń pikiri óte mańyzdy. Qala turǵyndary baǵdarlamamen tanysyp, óz usynysyn «Almatyny damytý ortalyǵynyń» saıtynda 2022 jyldyń 1 shildesine deıin qaldyra alady.
Qala turǵyny, medısına qyzmetkeri, AMANAT fraksıasynyń múshesi jáne máslıhat depýtaty retinde ásem qalamyzdy damytý úshin, búgingi tańda qalanyń jańa aýdandaryna qatysty birqatar óndiris salalaryn, medısına jáne bilim ortalyqtary, balabaqshalardyń ashylýy, sonymen qatar qoǵamdyq kólik jáne turǵyn-úı komýnaldyq sharýashylyq máseleleri kóterilgeni meni qýantady.
Baǵdarlamada barlyq qala turǵyny úshin áleýmettik ıgilikterge teń qol jetkizý boıynsha sharalar kózdelgen. Inklúzıvtilikti, áleýmettik ornyqtylyqty arttyrý úshin megapolıste 5 bastama iske asyrylady. Osyndaı ashyq túrde kópshilikpen aqyldasyp, qabyldanǵan jospardyń nátıjesi qalamyz úshin, turǵyndary úshin ońdy bolatynyna senimdimin!» – dedi Bolat Sadyqov.
Qala turǵyndary baǵdarlamamen tanysyp, óz usynysyn «Almatyny damytý ortalyǵynyń» saıtynda 2022 jyldyń 1 shildesine deıin qaldyra alady.