Mamandyqa qatysty paıdaly keńester
Qazir álem ózgerýde, keleshektegi mamandyqtar tipti basqa bolýy yqtımal, dep habarlaıdy Almaty-akshamy.kz Miridei.com saıtyna silteme jasap.
2021 jyly meıirbıkeler, tárbıeshiler jáne elektrondy saýdanyń mamandary eń kóp suranysqa ıe bolýda. Sol sıaqty aldaǵy ýaqyt bizdi basqa arnaǵa qaraı burýy múmkin.
Búginde ǵylymı tehnologıanyń damýyna kóz ilespeıdi. Bolashaqta sandyq marketıń, VR qyzmetteri jáne jalpyǵa ortaq saqtandyrý salasyndaǵy qyzmetterge qyzyǵýshylyq artpaq.
Sonymen, alda suranysqa ıe bola alatyn mamandyqtardyń birnesheýin qarastyraıyq.
Nýtrısıolog
Keleshekte taǵamtaný salasyndaǵy keńesshi maman bolady. Ol nýtrısıologıa salasyndaǵy emdik sharalar men paıdaly keńester beretin keńesshi qyzmetterin qosa atqarady.
Joǵary biliktilik pen mol tájirıbesin qoldanyp, olar aýrýhanalarda (memlekettik jáne jeke), ambýlatorlyq-emhanalyq mekemelerde, ǵylymı-zertteý ınstıtýttarynda jáne t.b oryndarda jumys isteýi múmkin.
Vırtýaldy álem dızaıneri
Vırtýaldy shynaıy ómirdi tez almastyrady. Tek VR kózildirigin kıip, siz kez kelgen qıaldar oryndalatyn paralel álemge teleportasıa jasaı alasyz. Keıbir elderde ǵylym men tehnıkanyń bul tańǵajaıyp jetistigi burynǵydan jańa deńgeıge kóterilýde. Vırtýaldy álem neǵurlym jarqyn jáne ásem bolsa, onda siz sonda sonshalyqty uzaq bolǵyńyz keledi. Bul álemniń atmosferasyn dızaınerler nemese vebsáýletshiler jasaıtyn bolady.
Oıyn pedagogy
Dúnıede bilim berý salasy jıi ózgeristerge ushyraıdy. Onyń maqsaty bir ǵana. Iaǵnı zamanǵa saı bolý. Progresıvti muǵalimder balalardyń nazaryn oqýǵa aýdarý úshin qazirdiń ózinde telefon qosymshalaryn, tanymal oıyndar nemese qoraptar arqyly túrli tásilderdi qoldanady. Atalǵan oıyn pedagogıkasy oıyn men klasıkalyq oqytýdy biriktiredi. Bul taqyryptyq nusqaýlyqtardy ázirleýde nemese balalarmen tikeleı jumys jasaýda óz áserin bermek.
Kovıd-menedjer
Kovıd-19 vırýsynyń álemde qarqyndy taralýynyń eki jylynda kompanıalar, mekemeler, jumys oryndardyń uıymdyq qurylymy aıtarlyqtaı ózgerdi. Sol sebepti - kovıd-menedjer nemese «densaýlyq saqtaý salasyndaǵy aımaqtyq organmen únemi ózara árekettesetin, aýrýdyń aldyn alý jáne baqylaý sharalaryn úılestirýshi» degen maman paıda bolýy yqtımal. Kovıd-menedjer pandemıa kezinde qyzmetkerlerdiń qaýipsizdik sharalaryn saqtaýyn qadaǵalaıdy. Sondaı-aq azamattardy ýaqtyly qarap, tekserýden ótkizýdi uıymdastyrady.
Aldaǵy zamannyń mamandyqtary budan da ózgeshe, tipti biz elestete almaıtyn sensasıalarǵa toly bolýy da ǵajap emes.