Kún saıyn ol aulasyndaǵy aǵashtar men gúlderdí suǵaryp, qarap júredí.
Qysy-jazy Almatynyń tūrǵyny Vladıslav Hovın óz aulasyndaǵy aǵashtar men gúlderdí baptaumen álek. Bıyl jaz ystyq bolǵandyqtan, onyń jūmysy qıyndaı túsken, sol sebepten tańǵy 4-te tūryp, aǵashtardy suǵara bastaıdy, dep habarlaıdy Almaty-akshamy.kz tílshísí.
Onyń aulasynda ósetín aǵashtar men gúldíń túrí kóp. Bıyl būl ósímdíkterdíń sany da, túrí de kóbeıe tústí, sebebí ol Almaty ákímshílígí ūıymdastyrǵan shara nátıjesínde tegín aǵash kóshetterín alǵan.
«Kóktemde ınternetten Almaty ákímshílígíníń aǵash kóshetterín taratatyn aktsıyasy turaly oqydym. Sóıtíp, 20 aǵashtyń kóshetín sūrap aldym, onda tek qūs shıesí ǵana (cheremuha) qalypty, otyrǵyzǵan aǵashtarymnyń barlyǵy da kóktedí. Jeke óz basym ūıymdastyrylǵan aktsıyaǵa rıza boldym»,– deıdí almatylyq.
Qazírgí kezde Vladıslav Hovın osy aǵashtar men gúlderdí baptaumen keledí. Alaıda qaladaǵy ózge ósímdíkterge júregí auyrady, sebebí aǵashtar keı jaǵdaıda suǵarylmaı qalady.
«Men saǵan 4.30 tūramyn, sóıtíp, auladaǵy barlyq ósímdíkterdí suǵaramyn. 2-3 kórshímnen basqa kómekshím de joq», – deıdí ol.
Mūndaı jūmystarmen tís dárígerí qazír ǵana shūǵyldanyp júrgen joq.
«2019 jyldan bastap óz aqshama (Baızaqov pen Qazybek bı kóshelerí qıylysyndaǵy aula) úıímníń aulasyn kógaldandyryp kelemín. Bírneshe kólík topyraq ákelíp, aulaǵa tóktírdím, sebebí qūrylysshylar túrlí qoqystaryn tastap ketedí ǵoı. Aǵash kóshetterín, gúl, gazon shóbín, tyńaıtqyshtar aldym, shópter men būtalardy qyrqatyn qūral aldym», – deıdí Vladıslav Hovın.
Qala tūrǵyny ístegen jūmysyn míndetsínbeıdí, bíraq óz ísímen ózgelerge úlgí bolyp, tabıǵat pen Otandy qalaı súyu kerektígín kórsetíp keledí.
