Bizge deıingi kezeńderde óz qatarynan ozyq elder men memleketter ǵumyr keshti. Olardyń myqty bolýynyń basty sebebi sol elderde jańa qadamǵa jáne damý jolyn durys anyqtap otyratyn baǵyttar boldy.
Mysaly, orta ǵasyrǵa deıingi memleketerde qurylymy kúshti ásker boldy, olar álsiz memleketterdi jaýlap aldy. Al XX-ǵasyrdan qazirgi ýaqytqa deıingi elderde ǵylym progresi qarqyndy damydy. Bilim men ǵylymdy ushtastyra otyr jańa tehnalogıaǵa bet burdy.Endigi kezeńde Táýelsiz Qazazaqstannyń basqa eldermen terezesi teń bolýlary úshin basty problemalaryn anyqtaýy qajet. Nege deseńiz problema bolmaı progres bolmaıdy.
Biz biletin mańyzdy másele bar. Árıne ol adamzattyń tarıhı tizbegi. Ol únemi qaıtalanyp otyrady. Eń alǵashynda adamdar jeke-jeke júrip keıinnen birigip tobyr boldy, tobyrdan rý, al rýdan taıpa bolyp solaı úlken memeleketterge aınaldy. Sonda adamdar arasyndaǵy baılanys evolúsıa kezeńi óte kele únemi damyp otyrǵan. Sol proses nóldik zamannan bastalyp osy XX-ǵasyrǵa deıin jaqsy damyp otyrdy. Alaıda qazir ǵylymı tehnıkalyq revolúsıanyń áserinen adamdar arasyndaǵy baılanys jyldan jylǵa úzilýde. Eń basty problemany sol týdyrady.
Adam transendentti tirshilik ıesi. Ol únemi ózge adammen jáne rýhanı metafızıkalyq álemmen baılanysta bolýy tıis. Eger olaı bolmaǵan jaǵdaıda onyń ishki álemi qısyq kózqarastardy alyp radıkal "jarty bas robot" sıaqty bolady. Ondaı adamdar adamzattyń basty jaýy. Olar tek qaıtalanatyn fýnksıonaldy ómir súredi.
Aldaǵy júz jyldyqta bizdiń el óz Táýelsizdigin saqtaı otyryp ǵylymmen qosa tól mádenı jáne rýhanı damý arqyly ǵana ózge elderdi oza alady. Qaı elde mádenıet pen rýhanı platforma myqty bolady sol el jańa dáýirde alda bolady.
Táýelsiz elde mádenı jáne rýhanı damýsyz ósken urpaqtar Alber Kamúdiń aıtqan "absýrd" uǵymyna urynady. Absýrd sózi "mánsizdik" jáne "maǵynasyzdyq" degendi bildiredi. Mánsiz jáne maǵynasyz ómir súrýshi urpaqtar bul memlekette ne úshin ómir súretinin bilmeıdi. Óziniń ne istep júrgenin bilmegender memlekettiń basty kedergi kúshi. Sonymen qosa onyń saldary retinde sýısıd máselesi ashylady. Osynyń barlyǵyn tek rýhanı jáne tól mádenı jolmen ǵana sheshemiz. Eger de keleshekke kóz salǵymyz kelse jastar qandaı rýhanı jáne mádenı ónim alyp jatyr sony qaraý kerek. Sol boıynsha ǵana biz keleshekke kóz salamyz.
Adaev Órken – magıstrant, Esmurat Erkebulan – magıstrant
Janataev Danat Janataevıch – dosent, jetekshi