Qazaqstanda magıstratýra, doktorantýra jáne rezıdentýra baǵdarlamalary boıynsha jetekshi sheteldik JOO-larǵa túsý úshin qujat qabyldaý jalǵasýda.
Ótinimder 14 qazanǵa deıin Egov.kz memlekettik qyzmetter portalynda qabyldanady. Taǵylymdamadan ótý úshin qujat qabyldaý 5 qyrkúıekte bastalyp, 14 qazanǵa deıin jalǵasady, dep habarlaıdy Almaty-akshamy.kz.
«Bolashaq» halyqaralyq stıpendıasyn taǵaıyndaýǵa konkýrstyq irikteý tolyǵymen avtomattandyrylǵan jáne onlaın rejımde ótedi. Ol 3 kezeńnen turady: keshendi testileý, táýelsiz sarapshy komısıa múshelerimen jeke áńgimelesý jáne kadrlardy shetelde daıarlaý jónindegi respýblıkalyq komısıa otyrysynda qujattardy qaraý.
Úmitkerler konkýrstyq irikteýge qatysý úshin 2 negizgi qujatty ǵana usynýy kerek - «Bolashaq» boıynsha oqýǵa usynylatyn joǵary oqý oryndar tizimindegi sheteldik ýnıversıtetten shaqyrý, sondaı-aq nátıjesi B1 deńgeıinen kem emes memlekettik til boıynsha emtıhan tapsyrǵany týraly sertıfıkat.
Konkýrstyq irikteýge kez kelgen qazaqstandyq qatysa alady, jas shekteýi joq. Ótinim tapsyrǵan kezde akademıalyq bilim alý jáne keıingi eńbekpen óteý merzimi zeınetkerlik jastan aspaýy tıis.
Bıyl magıstratýra men rezıdentýrada oqý úshin 385 stıpendıa, doktorantýra baǵdarlamasy boıynsha 60 stıpendıa bólindi.