QR Bilim jáne ǵylym mınıstrligi «Bolashaq» halyqaralyq stıpendıasyn taǵaıyndaý úshin qujattardy qabyldaý jáne konkýrs ótkizý merzimderin belgileıtin buıryq daıyndady.
Bıyl konkýrsqa qatysý úshin úmitkerlerdiń qujattaryn qabyldaý 2 mamyrdan 7 qazanǵa deıin, konkýrstyń ózin ótkizý 16 mamyrdan 30 qarashaǵa deıin belgilendi, dep habarlaıdy Almaty-akshamy.kz
Budan basqa, qujatta 2022 jylǵa arnalǵan «Bolashaq» baǵdarlamasy boıynsha shetelde oqýǵa bolatyn mamandyqtar tizbesi usynylǵan.
Atap aıtqanda, oǵan mynalar kirdi:
- Sandyq ekonomıka. Sandyq marketıń.
- Inovasıalyq menedjment. Tehnologıalar menedjmenti.
- Úlken derekterdi taldaý. Salalar boıynsha boljamdy taldaý.
- Aqparattyq (kıber) qaýipsizdik jáne krıptografıa.
- Kásipkerlik. Áleýmettik kásipkerlik.
- Robototehnıka.
- Medıatehnologıa. Sandyq medıa. Servıstik platformalardy ázirleý. Kórneki mazmundy jobalaý.
- Qarjylyq tehnologıalar jáne taǵy basqalar.
Buıryq jobasy 7 sáýirge deıin Ashyq NQA saıtynda jarıa talqylaý úshin ornalastyrylǵan.