Alty aı kóleminde tyıym salý usynylǵan.
Densaýlyq saqtaý mınıstrligi «Ashyq NQA» portalynda Qazaqstannan tysqary áketýge tyıym salynatyn dárilerdiń sanaty belgilengen buıryqtyń jobasyn talqylaýǵa shyǵardy, dep habarlaıdy Almaty-akshamy.kz QazAqparatqa silteme jasap.
Buıryqtyń jobasy boıynsha, Qazaqstan aýmaǵynan kez kelgen nysandaǵy dárilik zattardy, onyń ishinde farmasevtıkalyq sýbstansıalardy, medısınalyq buıymdardy, sondaı-aq olardy óndirýge arnalǵan materıaldar men jınaqtaýyshtardy áketýge 6 aı kóleminde tyıym salý usynylǵan.
Degenmen, dári-dármektiń birneshe sanatyna bul qujattyń talaby júrmeıtini aıtylǵan. Olar:
- Qazaqstannyń aýmaǵy arqyly ótetin tranzıttik taýarlar;
- jeke tapsyrystar boıynsha tek jeke paıdalanýǵa arnalǵan medısınalyq buıymdar;
- halyqaralyq izgilik kómek kórsetýge arnalǵan taýarlar;
- bólshek saýdada ótkizý sheńberinde jeke paıdalaný úshin ákelingen jáne satyp alynǵan taýarlar;
- tegin medısınalyq kómektiń kepildik berilgen kólemi jáne MÁMS sheńberinde alynǵan dáriler;
- ótkizý quqyǵynsyz kórmeler ótkizýge arnalǵan úlgiler; - zertteýler men synaqtar júrgizýge arnalǵan úlgiler;
- densaýlyq saqtaý uıymdarynda daıyndalyp, qoldanylǵan radıofarmasevtıkalyq preparattar;
- memlekettik tirkeý kezinde saraptama júrgizýge arnalǵan úlgiler;
- pasıenttiń nemese onyń donordyń aýtologıalyq bıomaterıaldaryn paıdalana otyryp qabyldanatyn, jeke qoldanýǵa arnalǵan aldyńǵy qatarly terapıa dárileri;
- EAEO kedendik aýmaǵyna kelgen kólik quraldarynyń jolaýshylary men ekıpaj múshelerin emdeýge arnalǵan dári-dármekter;
- halyqaralyq mádenı, sporttyq is-sharalarǵa qatysýshylardy jáne halyqaralyq ekspedısıalarǵa qatysýshylardy emdeýge arnalǵan dári-dármekter;
- Qazaqstan taýar óndirýshileri óndirgen, olarǵa qatysty tyıym salynǵan «ST-1» nysanyndaǵy taýardyń shyǵý tegi týraly sertıfıkatpen súıemeldenetin dári-dármekter.
Qujat kópshiliktiń talqylaýyna 6 sáýirge deıin usynylmaq.