Iordanıanyń Amman qalasynda bokstan ótip jatqan Azıa chempıonatynda Darıǵa Shákimova jartylaı fınalǵa shyqty, dep habarlaıdy Almaty-akshamy.kz Inform.kz-ke silteme jasap.
Rıo olımpıadasynyń qola júldegeri D.Shákimova bastapqy kezdesýin úndistandyq Pýdjamen ótkizdi.
Birinshi raýndta tóreshilerdiń tórteýi jeńisti úndistandyq boksshyǵa bergen. Degenmen Darıǵa tarazy basyn ózine aýdara bildi. Kerisinshe Darıǵa Shákimovany qaýsyra qushaqtaı bergen Pýdja eki ret eskertý aldy.
Osylaısha, D.Shákimova 70 kelige deıingi salmaqta jartylaı fınalǵa shyqty. Bul – keminde qola júlde qolda degen sóz.
Taǵy bir qazaqstandyq, el chempıony Aıda Ábikeeva 63 kelige deıingi salmaqta japonıalyq Kıto Maımen sheberlik baıqasty.
Bul jekpe-jek óte tartysty ótip, tóreshiler 3:2 esebimen jeńisti japonıalyq boksshyǵa berdi. Sóıtip A.Ábikeeva jartylaı fınalǵa shyǵa almaı, júldesiz qaldy.
Sonymen qatar búgin álem jáne Azıa chempıony Valentına Halzovanyń joly bolmady. Ol 75 kelige deıingi salmaqta úndistandyq Lovlına Borgohaınnan utylyp qaldy.
Sýret: 24.kz