Qurlyqtyq doda Taıland astanasy Bangkok qalasynda ótip jatyr
Qazaqstandyq Vıktorıa Grafeeva 2023 jylǵy Azıa chempıonatynda jarysty jalǵastyrýǵa múmkindik aldy, dep habarlaıdy Almaty-akshamy.kz.
Qurlyqtyq doda Taıland astanasy Bangkok qalasynda ótip jatyr.
Jarysta 57 keli salmaqta synǵa túsip jatqan Vıktorıa Grafeeva taılandtyq Natnıche Chongprongklangpen qolǵap túıistirgen edi.
Ekinshi raýndta tóreshiler taılandtyq boksshynyń eki márte nokdaýn alǵanyn tirkedi. Al úshinshi raýndta jekpe-jek toqtatylyp, jeńis qazaqstandyq boksshyǵa berildi.
Qazirge deıin alǵashqy jekpe-jekterin ótkizip úlgergen Móldir Toıkova (50 keli) jarysty jalǵastyrsa, Ánel Qudaıbergen (48 keli) men Jansaıa Rahymberdi (52 keli) qarsylastaryna ese jiberip qoıdy.
Eske salsaq, budan buryn qazaqstandyq qyzdardyń Azıa chempıonatyndaǵy qarsylastary anyqtalǵanyn habarlaǵan edik.