Elimizdiń erler quramasynda barlyǵy 13 boksshy synǵa tústi
Taıland astanasy Bangkok qalasynda ótken bokstan 22 jasqa deıingiler arasyndaǵy Azıa chempıonatynda medaldar kestesinde erlerde qaı eldiń sportshylary kósh bastaǵany belgili boldy, dep habarlaıdy Almaty-akshamy.kz.
Elimizdiń erler quramasynda barlyǵy 13 boksshy synǵa tústi. Qurama sapyndaǵy sportshylar 11 medalǵa qol jetkizdi. Onyń ishinde 3-eýi – altyn, 3-eýi – kúmis, 5-eýi – qola. Nátıjesinde, medaldar kestesinde ekinshi oryn aldy.
Qurama sapynan Sanjar Táshkenbaı (48 keli), Nursultan Altynbek (54 keli), Mahmýd Sabyrjan (57 keli) chempıon atandy.
Al, Abzal Serik (67 keli), Sabyrjan Aqqalykov (71 keli), Dıas Moljigitov (75 keli) kúmis medal aldy.
El quramasynan Talǵat Syrymbetov (60 keli), Muhammedsabyr Bazarbaıuly (63,5 keli), Erasyl Jakpekov (80 keli), Erhat Bekzat (92 keli), Amanat Sabyrǵalı (92 keliden joǵary) qola júldeni qanaǵat tutty.
Medaldar kestesinde 11 medal (9 altyn, 1 kúmis, 1 qola) alǵan Ózbekstan kósh bastasa, 3 medal alǵan (3-3-5) Fılıppın úzdik úshtikti túıindedi.
Bokstan 22 jasqa deıingiler arasyndaǵy Azıa chempıonatynyń medaldar kestesi:
1. Ózbekstan - 9-1-1
2. Qazaqstan - 3-3-5
3. Fılıppın - 1-1-2
4. Taıland - 0-3-1
5. Qytaı - 0-2-1
6. Mońǵolıa - 0-1-2
7. Indonezıa - 0-1-1
7. Kambodja - 0-1-1
9. Qyrǵyzstan - 0-0-7
10. Tájikstan - 0-0-3
11. Malaızıa - 0-0-1
12. Nepal - 0-0-1.