Qurlyqtyq doda 1 qarashada jalaýyn kóterdi
Iordanıa astanasy – Amman qalasynda ótip jatqan bokstan Azıa chempıonatynda qazaqstandyq sportshylar alǵashqy jekpe-jegin ótkizedi, dep habarlaıdy Almaty-akshamy.kz QazAqparatqa silteme jasap.
Aıta ketsek, qurlyqtyq doda 1 qarashada jalaýyn kóterdi. Alǵashqy jarys kúninde el quramasynan eshkim sharshy alańǵa shyqqan joq.
2 qarashada tórt boksshymyz baq synaıdy.
Aldymen 51 kelide Sáken Bıbosynov úndistandyq Sparsh Kýmarmen qolǵap túıistirse, 57 kelide Serik Temirjanov túrikmenstandyq Ihlaz Gylychjanovpen kezdesedi.
Bul kúngi taǵy bir jekpe-jek 63,5 kelide Sanatálı Tóltaev pen ózbekstandyq Rýslan Abdýllaev arasynda ótedi.
Al qyzdar arasynda 50 kelide Nazym Qyzaıbaı taılandtyq Raksat Chýthamatpen aıqasady.
Jalpy qurlyqtyq dodada erler – 13, áıelder 12 salmaqta synǵa túsedi.
Qazaqstannyń erler quramasy sapynda kimder oıyn kórsetetinin buǵan deıin jazǵan bolatynbyz.
Sondaı-aq el namysyn qorǵaıtyn QR áıelder quramasynyń tizimi jarıalandy.
Azıa chempıonaty 13 qarashaǵa deıin jalǵasady.