Úsheýi de kúndizgi sesıada óner kórsetedi
Úndistannyń Nú-Delı qalasynda bokstan áıelder arasynda ótip jatqan álem chempıonatynda búgin úsh qazaqstandyq sportshy rıngke shyǵady, dep habarlaıdy Almaty-akshamy.kz.
Álem chempıonatynyń júldegerleri Alýa Balqybekova, Jaına Shekerbekova jáne Nadejda Rábes alǵashqy kezdesýlerin ótkizedi.
Alýa Balqybekova 48 kelige deıingi salmaqta 1/16 fınalda sıngapýrlyq Keı Van Chı Vaımen, Jaına Shekerbekova (54 kg) ońtústikkoreıalyq E Chjı Immen, Nadejda Rábes (66 kg) taǵy bir koreıalyq boksshy Són Sýdjınmen judyryqtasady.
Úsheýi de Astana ýaqytymen saǵat 14.30-da bastalatyn kúndizgi sesıada óner kórsetedi.
Álem birinshiligin tikeleı efırde «Qazsport» telearnasynan kórýge bolady.
Osyǵan deıin rıngke shyqqan úsh qazaqstandyq boksshy kelesi kezeńge ótti.