Olardyń jekpe-jegi B rınginde onynshy bolyp tirkelgen
Ózbekstan astanasy Tashkent qalasynda ótip jatqan álem chempıonatynyń tórtinshi jarys kúninde el quramasynan eki boksshy rıngke shyǵady, dep habarlaıdy Almaty-akshamy.kz QazAqparatqa silteme jasap.
4 mamyrda qazaqstandyq eki bylǵary qolǵap sheberi sharshy alańǵa shyǵady.
Elorda ýaqytymen 14:00-de bastalatyn kúndizgi sesıada 1/16 fınalda Sanatálı Tóltaev (63,5 keli) Mavrıkıı elinen kelgen Rısharno Kolınmen qolǵap túıistiredi.
Olardyń jekpe-jegi B rınginde onynshy bolyp tirkelgen.
Al keshki sesıa elorda ýaqytymen 19:00-ge belgilengen.
Bul sesıada Qamshybek Qońqabaev (92 keliden joǵary) reseılik Alekseı Dronovpen A rınginde on úshinshi jupta synǵa túsedi.
Aıta ketsek, Qazaqstan quramasynda 3 mamyrda Talǵat Syrymbetov (60 keli) qarsylasyna ese jiberip, jarys jolynan shyǵyp qaldy.
Al Aıbek Oralbaı (92 keli) jáne Saǵyndyq Toǵambaı (86 keli) alǵashqy jekpe-jeginde jeńiske jetti.