Festıvál memlekettiń qarjylyq qoldaýynsyz ótkizilip keledi
6-10 qyrkúıek aralyǵynda Almatyda BAIQONYR halyqaralyq kınofestıvali ótedi, dep habarlaıdy Almaty-akshamy.kz.
Kınofestıvaldiń mısıasy - kınematograftyń damýyna járdemdesý, talantty avtorlardy qoldaý jáne qazaqstandyq mádenıetti álemdik kıno qoǵamdastyǵyna yqpaldastyrý.
Bıylǵy jyldyń basty tosyn syıy jańa halyqaralyq baıqaý bolmaq - 8-shi kınofestıvalge qysqametrajdy ǵana emes, sonymen qatar debúttik tolyqmetrajdy fılmder da qatysa alady.
Aıta keteıik, festıvál prezıdenti Ánýar Kenjebaev jaqynda ótken Qazaqstan kınosynshylary qaýymdastyǵynyń «Synshylar tańdaýy» jeńimpazdaryn marapattaý rásiminde laýreattar qatarynan kórindi.
Bul jıynda ol «Festıvál qozǵalysyna qosqan úlesi úshin» arnaıy júldesine ıe boldy.
Festıváldiń biregeıligi - ol osy jyldar boıy memlekettiń qarjylyq qoldaýynsyz ótkizilip keledi.
Baiqonyr-2023 baıqaý baǵdarlamasy mynadaı:
- halyqaralyq debúttik tolyqmetrajdy kórkem fılmderdiń baıqaýy;
- halyqaralyq kórkem jáne derekti qysqametrajdy fılmder baıqaýy;
- ulttyq kórkem jáne derekti qysqametrajdy fılmder baıqaýy.
Baıqaýlardyń árqaısysyn bedeldi qazylar alqasy baǵalaıdy.
Konkýrstan tys baǵdarlama da aýqymdy bolmaq.
Ol jerde TMD elderiniń kınotanýshylary men synshylarynyń II forýmy ótedi, onyń jumysyna 30-dan astam sheteldik maman qatysady.
Bilim baǵdarlamasynda tanymal rejıserler men akterlerden master klass, vorkshoptar men dárister, kınoındýstrıanyń ózekti máseleleri boıynsha dóńgelek ústelder qamtylǵan.
VIII BAIQONYR Film Festival konkýrstyq baǵdarlamasyna qatysýǵa ótinim qabyldaý 5 mamyrda bastalady.
Halyqaralyq konkýrstarǵa ótinim - 1 shildege deıin, ulttyq konkýrstarǵa - 1 tamyzǵa deıin qabyldanady.
Festıvál TMD memleketteriniń memleketaralyq gýmanıtarlyq yntymaqtastyq qorynyń qoldaýymen ótedi.