Qazaqstan boksshysy Abzal Serik Taılandtyń Bangkok qalasynda ótip jatqan 22 jasqa deıingi Azıa chempıonatynda jartylaı fınaldyq jekpe-jegin ótkizdi, dep habarlaıdy Almaty-akshamy.kz Egemen.kz-ke silteme jasap.
67 kelige deıingi salmaqta fınalǵa shyǵý úshin Abzal Serik Kambodja sportshysy Vanthýngpen judyryqtasty. Bul jekpe-jek tóreshilerdiń biraýyzdan qabyldaǵan sheshimimen Qazaqstan sportshysynyń jeńisimen aıaqtaldy.
"Osylaısha, Abzal Serik týrnırdiń fınalyna shyǵyp, qurlyq birinshiliginiń altyn júldesi úshin kúresedi", - dep jazdy Sports.kz.
Buǵan deıin Qazaqstan erler quramasy sapynda Sanjar Táshkenbaı (48 keli), Nursultan Altynbek (54 keli) jáne Mahmud Sabyrhan (57 keli) Azıa chempıonatynyń fınalyna shyqqan edi. Sondaı-aq búgin Qazaqstan atynan Sabyrjan Aqqalyqov (71 keli), Dıas Moljigitov (75 keli), Erasyl Jaqpekov (80 keli), Erhat Bekzat (92 keli) jáne Amanat Sabyrǵalı (+92 keli) synǵa túsedi.