41 jastaǵy er adamdy aman alyp qalý múmkin bolmady.
2023 jyly 23 qańtarda Jetisý oblysy Qaratal aýdanynda traktor men taýar tıegen poıyz soqtyǵysty. Jol apaty saldarynan eki adam zardap shekti, onyń biri aýrýhanada kóz jumdy, dep habarlaıdy Almaty-akshamy.kz.
Oblystyq polısıa departamenti jol apaty Qanabek aýylyndaǵy temirjol ótkelinde oryn alǵanyn naqtylaıdy.
"Taýar tasýǵa arnalǵan poıyz traktordy qaǵyp ketken. Oqıǵa ornynan aýdandyq aýrýhanaǵa eki adam jetkizildi, dárigerler qansha jantasqanymen olardyń biri - 41 jastaǵy er adamdy aman alyp qalý múmkin bolmady. Ekinshi jaraqat alǵan 18 jastaǵy jigit medısınalyq tekserýden ótkizilip jatyr. Ekeýi de traktor salonynda bolǵan", - dedi Jetisý oblysy PD baspasóz qyzmeti.
Oqıǵa ornynda polısıa qyzmetkerleri jumys istep jatyr.
Atalǵan faktige sáıkes, QR QK 345-baby boıynsha sotqa deıingi tergeý amaldary qolǵa alyndy.