210 mıllıon teńge. Parıj olımpıadasynyń chempıony atanǵan boksshyǵa osynsha syıaqy beriledi. Bul týraly Qazaqstan boks federasıasy basshylyǵynyń lısenzıa alǵan sportshylarmen jáne bapkerlermen kezdesýinde belgili boldy.
Tórt jyldyqtyń basty básekesindegi jeńimpazǵa elimizdiń boks federasıasy 220 myń dollar ıaǵnı 98 mıllıon teńge tabystaıdy. Buǵan qosa, memleket tarabynan beriletin 250 myń dollar ıaǵnı 111 mıllıon teńge taǵy bar. Ekeýin qosqanda Jazǵy Olımpıada oıyndarynyń chempıony 210 mıllıon teńge alady. Al kúmis júldegerge Qazaqstan boks federasıasy 120 myń, al úshinshi orynǵa 70 myń dolar beredi. 4-shi jáne 5-oryn alǵan sportshylarǵa da qoldaý qarastyrylǵan.
Bapkerleri de nazardan tys qalmaıdy. Olar shákirtiniń syıaqysynyń 30 paıyzyna para-par qarjylaı tólem alady. Aıta keteıik, qazir ulttyq qurama qorjynynda 7 lısenzıa bar. Onyń altaýyn erler, bireýin burymdy bylǵary qolǵap sheberimiz jeńip aldy.