Shotyńyzdan aqsha joǵalýy múmkin.
Biryńǵaı jınaqtaýshy zeınetaqy qory Qazaqstan azamattaryna mańyzdy eskertý jasady, dep habarlaıdy aqshamnews.kz
«Sońǵy ýaqytta alaıaqtar BJZQ qyzmetkerleri atynan habarlasyp, azamattarǵa túrli jańalyqtarmen qońyraý shalý jaǵdaılary jıilep ketti. Mysaly, salymshynyń shoty buǵattalǵan jáne jarnalar túspeıdi dep málimdeıdi. Bul máseleni sheshý jáne aıyppuldardy boldyrmaý úshin "betpe-bet kezdesýge onlaın tapsyrys berýdi» usynady,-deıdi BJZQ baspasóz qyzmeti.
Qońyraý kezinde alaıaqtar jelide kezekke tapsyrys berýdi usynady jáne 1414 nómirinen jábirlenýshiniń telefonyna kod jibergenin habarlaıdy. Sodan keıin olar brondaý prosesin aıaqtaý úshin osy kodty aıtýdy suraıdy.
«Jábirlenýshi bul kodty aıtqannan keıin, onyń bank shottaryndaǵy aqshasy joǵalyp ketýi múmkin. BJZQ qyzmetkerleri azamattardy shaqyrmaıdy! Sondyqtan siz qyraǵy bolýyńyz kerek jáne bógde adamdarǵa eshqandaı kod bermeńiz! Sonymen qatar beıtanys siltemelerge ótpeńiz!», -dep eskertedi baspasóz qyzmeti.
Eshqashan kodtar men qupıa sózderdi bireýge bermeńiz.
Aqparatty resmı arnalar arqyly tekserińiz.
Eger bireý BJZQ atynan mazalasa, telefondy qoıyp, qorǵa tikeleı habarlasyńyz.