Grın-karta on jylǵa beriledi.
AQSH grın-kartasyna 155 myńnan astam qazaqstandyq ótinish bergen, dep habarlaıdy aqshamnews.kz
AQSH elge kelip, turaqty turýǵa jáne jumys isteýge múmkindik beretin «grın karta» lotereıasyna ótinish qabyldap jatyr.
«Jyl saıyn bul lotereıaǵa álemnen 20 mıllıonnan asa adam ótinish tapsyrady. Solardyń ishinde 50-55 myń adam grın-karta utady. Grın-karta on jylǵa beriledi, bes jyldan soń AQSH azamattyǵyn alýǵa bolady» – dep habarlady Azattyqtyń ınstagram paraqshasynda.
Ol jerde lotereıaǵa tapsyrǵandar men olardyń otbasy músheleri birge eseptelgen statısıka da berilgen. Onda eń kóp ótinish bergen Ózbekstan azamattar (833 myńǵa jýyq), ekinshi orynda Reseı (533 myńnan astam), úshinshi orynda Ýkraına(426 myńanan astam) tur. Al Qazaqstannan AQSH-qa ketkisi keletinder sany – 155 204 adam.
Karta 10 jyl merzimge beriledi. Alaıda ony alǵannan 5 jyldan keıin AQSH azamattyǵyna da tapsyrýǵa bolady.
Bir sózben aıtqanda jasyl kýálik amerıkalyqtarǵa zańmen berilgen barlyq ıgilikti kórýge quqyq beredi. Tek birqatar shekteýler bar:
Daýys berýge;
Memlekettik medısınalyq kómek alýǵa;
Memlekettik qyzmet isteýge bolmaıdy.
Jasyl karta lotoreıasy jyl saıyn oınatylady. Jyl saıyn bul utysqa álemniń ár túkpirinen mıllıondaǵan adam qatysyp, baq synaıdy. Alaıda shamamen 100 myń adam ǵana utysqa ıe bolady. Ótinishter birneshe talap boıynsha qabyldanady. Atap aıtqanda:
Orta bilimniń bolýy;
Densaýlyǵy jaqsy;
Qylmys jasamaǵan bolýy kerek.
Ótinishti durys toltyryp, sapaly sýret usynǵan adamnyń utysqa ıe bolý múmkindigi joǵary. Sodan soń úmitker suhbatqa shaqyrylady. Nátıjesinde 40-50 myń adam vızaǵa ıe bolady.