Baıqaý aıasynda «Jyldyń úzdik áleýmettik jobasy» arnaıy syılyǵy tabystalady.
Bıznestiń áleýmettik jaýapkershiligi jónindegi «Paryz» baıqaýy bastaldy, dep habarlaıdy Almaty-akshamy.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Baıqaý halyqtyń ál-aýqatyn odan ári jaqsartý úshin qoǵam aldyndaǵy ózderiniń korporatıvtik áleýmettik jaýapkershiligin qalyptastyrýǵa jáne arttyrýǵa baǵyttalǵan.
Vedomstvo ókilderiniń málimetinshe, baıqaý eki kezeńnen (óńirlik jáne respýblıkalyq) turady. Shaǵyn, orta jáne iri kásipkerlik sýbektileri 4 atalym («Úzdik áleýmettik jaýapty kásiporyn», «Eńbekti qorǵaý salasyndaǵy úzdik kásiporyn», «Úzdik ujymdyq shart», «Ekologıaǵa qosqan úlesi úshin») boıynsha ózara úzdikti anyqtaıdy. Sondaı-aq baıqaý aıasynda «Jyldyń úzdik áleýmettik jobasy» arnaıy syılyǵy tabystalady.
Baıqaýǵa qatysý tegin. Úmitkerler óz materıaldaryn qaǵaz túrinde jáne elektrondy formatta oblystardyń, respýblıkalyq mańyzy bar qalalardyń jergilikti atqarýshy organdaryna joldaıdy.
Ótkiziletin is-sharalardyń mańyzdylyǵyn eskere otyryp, Eńbek jáne halyqty áleýmettik qorǵaý mınıstrligi elimizdiń barlyq kásipkerlerin «Paryz» baıqaýyna belsendi qatysýǵa shaqyrady.