Almatyda «Almaty-bizdiń ortaq úıimiz» naýqanynyń birinshi aptasynyń qorytyndysy shyǵaryldy
Almatyda qala ákimi Erbolat Dosaevtyń bastamasymen «Almaty – bizdiń ortaq úıimiz» naýqanyn iske asyrý jalǵasýda. «Bizdiń qala – bizdiń kósheler» naýqanynyń birinshi kezeńi aıasynda qalalyq qyzmetter men aýdan ákimdikteri megapolıstiń kóshe ınfraqurylymyn retke keltirý boıynsha úlken jumys júrgizdi.
- Birinshi aptada 1250 aıaldama pavılondaryn jýý, 59 jerasty jáne jer ústi jaıaý júrginshiler ótkelderin tazalaý jáne syrlaý, 165 baǵdarsham nysandaryn jýý jáne syrlaý, 1690 jol belgilerin syrlaý jumystary iske asty.
- Qalada 5 570-ten astam ýrna, 2 740 oryndyq, júzdegen jaryqtandyrý baǵanalary, kórsetkishter boıalǵan jáne jýylǵan, QTQ jınaýǵa arnalǵan 350 alańdy jýý jáne dezınfeksıalaý júrgizilgen, kópir qorshaýlary boıaldy, aqaýly tósenishteri bar ýchaskeler jóndeldi, jańbyr qabyldaǵyshtar jáne taǵy basqalar qalpyna keltirildi.
Budan basqa, 17 000 m2 asfáltbeton jabyny bar alańda, onyń ishinde Raıymbek, Sátbaev, Buqar jyraý, Tımırázev, Rysqulov, Momyshuly, Altynsarın, Maılın, Talǵar traktisi, Gagarın, Jarokov, Mustafın jáne basqalardyń magıstraldyq kóshelerinde joldarǵa aǵymdaǵy jóndeý júrgizildi. Bul rette joǵaryda atalǵan barlyq jumystar naýqan boıy jalǵasatyn bolady.
Aıta keterligi, búginnen bastap aýla aýmaqtaryn jóndeýge, kógaldandyrýǵa jáne qala turǵyndarynyń qatysýymen ótetin túrli is-sharalarǵa arnalǵan naýqannyń ekinshi kezeńi bastalady. «Bizdiń qala – bizdiń aýla, bizdiń úı» aptalyǵy aıasynda (15-21 sáýir) aýlalar men úıleri aldyndaǵy jerlerdi kógaldandyrǵysy keletinderge kóshet materıaldary al, jeke úılerdiń qorshaýlaryn syrlaǵysy keletinderge boıaýlar beriledi. Osy kezeńde túrli shyǵarmashylyq jáne ekologıalyq is – sharalar bastalady – «Ekomarafon» ploggıngi, «Taza oıyndar» aksıalary, «Úzdik aýla», «Úzdik úı aldyndaǵy baý-baq» konkýrstary jáne taǵy basqalar josparlanǵan. 27 sáýirde jalpyqalalyq senbilik josparlanǵan.
«Almaty – bizdiń ortaq úıimiz» naýqany týraly barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa qala boıynsha ornalastyrylǵan bannerler, posterler, afıshalarǵa arnaıy QR-kod arqyly kirýge bolady.
Áleýmettik jelilerdegi naýqannyń belsendi qatysýshylaryna arnalǵan heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.