Keshe Memleket basshysy Qasym-Jomart Toqaevtyń ótken referendýmǵa baılanysty Qazaqstan halqyna úndeýi jarıalandy.
Rasynda, biz Qazaqstan tarıhyndaǵy aýqymdy tarıhı oqıǵanyń kýágeri jáne qatysýshylary boldyq. Konstıtýsıaǵa engizilgen ózgeristerdi qazaqstandyqtardyń 77 paıyzdan astamy qoldady. Memleket basshysy atap ótkendeı, Ata zańǵa ózgerister engizý reformalarymyzdyń sońǵy satysyn emes, endi bastalǵanyn bildiredi. Biz elimizdi jan-jaqty jańǵyrtýdy jalǵastyramyz. Jańartylǵan Konstıtýsıa negizinde bıliktiń barlyq ınstıtýty qyzmetiniń meılinshe tıimdi modelin qalyptastyramyz.
AMANAT partıasy referendým jarıalanǵan kúnnen bastap Konstıtýsıaǵa engiziletin ózgerister men tolyqtyrýlardy tolyǵymen qoldady. Qysqa ýaqyt ishinde jańa formatta aýqymdy aqparattyq-túsindirý jumystary júrgizildi. Biz engiziletin ózgeristerdiń mánin árbir azamatqa jetkizýge tyrystyq.
Referendým qorytyndysy qoǵamnyń el bolashaǵyna degen kózqarasynyń ortaq ekenin kórsetti. Qazaqstan halqy Prezıdenttiń Konstıtýsıalyq reformasyna úlken senim artyp, qoldaý bildirdi.
Referendým bizdiń azamattarymyz úshin mańyzdy, ózekti máseleler boıynsha óz erkin bildirý boldy, bizdiń azamattar tek túzetýler úshin ǵana emes, ózderi ómir súrgisi keletin el úshin daýys bergenine senimdimin.