Almatyda ótip jatqan referendýmda eliniń erteńine alańdaǵan qazynaly qarttarymyz belsendilik tanytýda. Solardyń biri – QazUÝ profesory, 91 jastaǵy Keńes Bıekenov atamyz da saıası naýqanǵa qatysyp, óz tańdaýyn jasap, daýys berdi.
– Búgin biz mańyzdy mindetterdi júzege asyryp, memlekettiń turaqty damýyn qamtamasyz etedi degen úmitpen óz tańdaýymyzdy jasap jatyrmyz. Bul qadam árbir azamattyń el bolashaǵyna degen jaýapkershiligin kórsetedi. El ıgiligi jolyndaǵy ortaq jumysymyz sátti bolǵaı! – deıdi Keńes ata.
Keńes Bıekenov ómir boıy bilim salasynda qyzmet etip, talaı shákirt tárbıelegen. Elge degen adaldyǵy men jaýapkershiligin búgingi tańda da dáleldep otyr. Ol búgingi referendýmnyń el bolashaǵy úshin mańyzy zor ekenin atap ótip, barsha qazaqstandyqtardy belsendilikke shaqyrdy.
– Biz bolashaq urpaqtyń baqyty úshin daýys berýdemiz. Árbir daýystyń mańyzy bar, sondyqtan barlyq azamat óz tańdaýyn jasaýǵa mindetti. Memleketimizdiń bolashaǵy bizdiń búgingi qadamymyzǵa baılanysty, – dep sózin túıindedi Keńes ata.
Almaty qalasynda ótip jatqan bul saıası naýqanǵa túrli jastaǵy turǵyndar belsendi qatysyp, óz azamattyq boryshtaryn oryndaýda. Elimizdiń damýy men turaqtylyǵy úshin árbir qazaqstandyqtyń úles qosýy mańyzdy, jáne bul kúni qala turǵyndary osy jaýapkershilikti sezinip, óz tańdaýyn jasaýǵa asyǵýda.