Sángerler kóktem mezgilindegi basty tústerdiń birin atady. Olar jasyldaý kelgen záıtún tústi tańdap otyr, ony kóptegen dızaınerler ózderiniń jańa koleksıalaryna engizip te úlgergen.
Stılıster jańa sándi tústi utymdy ári sándi paıdalaný úshin ony basqa tústermen qalaı úılestirýge jáne stıldi beınelerdi qalaı jasaýǵa bolatyndyǵyn aıtty.
Záıtún túsi – 2024 jyldyń kóktem maýsymyndaǵy sándi reńk.
2024 jyldyń aqpanynda áıgili Vogue jýrnalynyń fransýz redaksıasy 2024 jyldyń jańa kóktemgi maýsymynda záıtúnniń jasyl túsine basymdyq beriletinin habarlady. Kóptegen brendter ony óz koleksıalaryna engizdi.
Mysaly, JW Anderson osy reńktegi trenchty, al Bottega Veneta – beldemshe usyndy. Sonymen qatar, sán redaktorlary beli joǵary etip ornalasqan djıns shalbar, sonymen qatar, qonymdy kóılekter men qatty matadan tigilgen longslıvter kıýdi usynady.
Stılıs-ımıdjmeıker Anna Saveleva sándi tendensıadarǵa qatysty pikirin bildirdi.
Bir jaǵynan, bul óte kúrdeli tús, ol bárine birdeı jarasa qoımaıdy, ekinshi jaǵynan – bul tústi reńkterdiń ózgerýine qaraı barynsha qoldanýǵa bolady.
«Munyń bári sizdiń jeke reńkińizge baılanysty bolady. Bul jerde shashtyń, teriniń jáne kózdiń túsi mańyzdy ról atqarady. Sizdiń jeke kontrastyńyz neǵurlym jarqyn bolsa (qara qastar kirpikter men shashtar), jarqyn jáne qanyq jasyl tústerdi jeńý ońaıyraq bolady. Eger sizdiń keskinińizde akvareldik erekshelikter bolsa, názik záıtúnge nazar aýdaryńyz. Biraq barlyǵyna arnalǵan jalpy usynys: eger siz belgili bir tús sizge sáıkes keletinin bilmeseńiz, ony portret aımaǵynda ornalastyrmańyz. Tómengi jaqqa, ıaǵnı, shalbar ıýbka, aıaq kıimdi osy tústen qoldansańyz bolady», - dep keńes beredi Saveleva.
Záıtún túsi osy maýsymda shynymen sándi, biraq osy tústi kıimdi tańdaǵanda, ókinishke qaraı, nátıje týra siz kútkendeı bolmaýy múmkin, deıdi dızaıner Tata Iýrtova.
«Bozǵylt jasyl bolyp kórinbeý úshin teriniń, shashtyń reńkine qaraı óte muqıat qaraý kerek. Bul tústegi kıimde qalaı kórinetinińizdi tekserýdiń eń jaqsy joly - ony kúndizgi jaryqta ózińizge jaqyndatý jáne sýretke túsirý», – deıdi dızaıner.
Ol jyly, sýyq jáne beıtarap teri túrlerin aıqyndap turady. Ózińizdiń túsińizdiń túrin anyqtaý úshin bilegińizdiń artqy jaǵyna qaraý kerek. Eger tamyrlarda jyly jasyl reńk bolsa, onda bul teriniń jyly túsi, eger aıqyn kók tús bolsa, onda teriniń sýyq túri.
Altyn tústes sary, qyzǵylt sary, qońyr, jalbyz, záıtún jáne kilegeı tústeri jyly tústerdiń ıeler úshin óte qolaıly. Olar tabıǵılyqty erekshe kórsetip turady jáne jylýlyq beredi. Dızaıner qanyq tústerden aýlaq bolýǵa keńes beredi, óıtkeni olar terimen qajetsiz kontrastqa ıe bolýy múmkin.
Eger sizdiń reńińiz salqyn túske jatatyn bolsa, onda barynsha salqyn reńkti tús tańdaýǵa tyrysyńyz. Kóz ben shashtyń túsin de eskerińiz. Sýyq tústi tıptegi adamdarǵa jasyl, sur nemese kók kózder, aqshyl nemese kúlgindeý túske jaqyn shashtar tán. Al sýyq reńkteri bar túster palıtrasy tamasha bolady. Ashyq jasyl reńkteri bar túster de sizge sáıkes keledi.
Qońyr shashtary men qońyr kózderi bar jyly reńkterdiń ókilderine altyn, terrakot nemese mys reńkteri bar kıimder jaqsy jarasady. Eger sizdiń terińizdiń túsi beıtarap túrge jatsa, bolsa, onda sizdiń kez kelgen tústi tańdaýǵa múmkindigińiz bar. Tájirıbe jasańyz, sizdi jarqyratyp, jaınatyp kórsetetin kombınasıalardy tańdańyz.
«Eger sizge belgili bir tús qatty unaıtyn bolsa, onda kıimdi betińizge jaqyn bolmaıtyndaı etip alýǵa tyrysyńyz. Mysaly, terińizdiń túsimen jáne kıimińizdiń túsimen tamasha úılesetin moıyn oramalyn tańdańyz. Sodan keıin árqashan ózińizdiń daralyǵyńyzdy umytpańyz. Jalpy usynystar bolǵanymen, biz árqaısymyz ózimizge biregeımiz. Sizge sáıkes keletin nárseni izdeńiz, tájirıbe jasańyz jáne óz ıdeıalaryńyzdy júzege asyryńyz», – dep qorytyndylady Tata Iýrtova.
Monohromdy obrazdar: kıimniń bir tústen bolý árqashan mańyzdy ma?
Monohromdy degenimiz - bul bir tústi elementterden turatyn beıneler. Stılıs-ımıdjmeıker Anna Saveleva durys tańdalǵan monohromdy beıne árqashan qymbat bolyp kórinetinin jáne adam mártebesin kórsetetinin atap ótti.
«Qazirgi álemde, monohromdy obrazdardaǵy alýan túrliligimen jappaı naryqqa qol jetimdi bolǵan kezde, matalardyń sapasyna nazar aýdaryp, ártúrli tekstýralardy: jún, jibek, bylǵary, kúderi qoldanǵan jón. Sodan keıin beıne qyzyqty jáne qymbat kórinedi. Sonymen qatar, kórneki ıllúzıalardy este saqtańyz – monohromatıkalyq beıne sılýetin aıqyndap, jińishke kórsetedi», – deıdi Anna Saveleva.
Dızaıner Tata Iýrtova: sizdiń kelbetińiz talǵampaz jáne ádemi kórinýi úshin kontrastty qoldaný kerektigin aıtady. Eger tús bolmasa, matanyń qurylymyna da mán berýge bolady. Nemese aksesýarlar men aıaq kıimdi tańdaǵanda kontrastty tús qosýǵa bolady. Mysaly, sómke, aıaq kıim, qolǵap nemese oramal, olar bir úlken daq sıaqty kórinbeý úshin kóriniske kontrast beredi.
Meniń oıymsha, sómke men aıaq kıim árqashan birdeı tústi bolmaýy kerek. Siz beıtarap nemese monohromdy tústi aıaq kıimdi kıip, ózińizben birge búkil beıneńizge sáıkes keletin túrli-tústi sómkeni ala alasyz.
«Meniń oıymsha, siz qandaı da bir sebeptermen garderobyńyzdaǵy sizge sáıkes kelmeıtin zattardy esh ókinbeı tastaýǵa bolady, olar qandaı da bir sebeppen sizge jaraspaı qaldy jáne siz olardy kıetin ýaqyt alda keledi dep keıinge qaldyryp kelesiz. Bul – siz satyp alý kezinde jiberip alǵan qatelikter bolýy múmkin, mysaly, ólshemi nemese túsi men túri. Ondaı kıimderdi jarasady-aý degen dosyńyzǵa berińiz», - dep keńes beredi dızaıner.