2024-2025 oqý jylyna arnalǵan memlekettik tapsyrys aıasynda 112 myń grant bólinetinin málim etti Ǵylym jáne joǵary bilim mınıstrliginen, dep habarlaıdy almaty-akshamy.kz.
«Kadrlardy daıarlaýǵa arnalǵan memlekettik bilim berý tapsyrysy Qazaqstan Respýblıkasy Eńbek jáne halyqty áleýmettik qorǵaý mınıstrligi usynǵan el ekonomıkasynyń salalary úshin kadrlarǵa qajettilikke orta merzimdi boljam negizinde, ekonomıka salalarynyń úrdisteri, sondaı-aq «Atameken» Ulttyq Kásipkerler palatasy, ortalyq memlekettik organdar men óńirlik ákimdikterdiń usynǵan qajettilik negizinde qalyptastyrylady. Joǵary bilim berýdiń barlyq deńgeıleri boıynsha 2024-2025 oqý jylyna arnalǵan memlekettik tapsyrys aıasynda 112 myń grant (bakalavrıat - 79 myńǵa jýyq grant, magıstratýraǵa -13 myńǵa jýyq, doktorantýra -1 900 astam grant) bólingen», - dep atap ótedi vedomstvodan agenttiktiń resmı saýalyna oraı.
2024 jylǵy 18 naýryzdaǵy №118 QR Ǵylym jáne joǵary bilim mınıstri buıryǵymen memlekettik bilim granty úsh jylǵa bekitilgen.
«Granttardyń basym bóligi «Injenerlik, óńdeý, qurylys salalary» bilim berý baǵdarlama toptaryna, «Pedagogıkalyq ǵylymdarǵa», «Aqparattyq-kommýnıkasıalyq tehnologıalar» salasyna jáne «Jaratylystaný ǵylymdary, matematıka jáne statısıka» baǵytyna tıesili», - dep naqtylady mınıstrlikten.