Qazaqstannyń Damý Banki respýblıkalyq mańyzy bar avtojoldardy qalpyna keltirý jobasyn qarjylandyrady, dep habarlaıdy almaty-akshamy.kz
Memleket basshysynyń tapsyrmalaryn oryndaý jáne ekonomıkalyq ósimdi qamtamasyz etý maqsatynda QR Úkimetiniń Josparyn iske asyrý úshin «Qazaqstannyń Damý Banki» AQ respýblıkalyq mańyzy bar avtojoldardy qalpyna keltirý jónindegi ınvestısıalyq jobany qarjylandyrýdy bastaıdy.
- Qarjylandyrý kólemi: 450 mlrd teńge mólsherindegi uzaq merzimdi nesıe qarajaty «QazAvtoJol» UK» AQ-ǵa tıisti kelisim sheńberinde bólinetin bolady.
- İske asyrý merzimi: Joba 2024-2027 jyldar aralyǵynda iske asyrylady.
- Joldardyń jalpy uzyndyǵy: 5 myń shaqyrymnan asatyn respýblıkalyq mańyzy bar avtojoldar.
Joba Qazaqstannyń barlyq aýmaǵynda júzege asyrylady. Oblys ortalyqtaryn Abaı, Aqmola, Aqtóbe, Almaty, Atyraý, Shyǵys Qazaqstan, Jambyl, Jetisý, Batys Qazaqstan, Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan, Túrkistan jáne Ulytaý oblystarynyń eldi mekenderimen baılanystyratyn joldardy, sondaı-aq respýblıkalyq mańyzy bar trassalardy qalpyna keltirýdi kózdeıdi.
- Sý ótkizgish qubyrlar: Apatty kópirler qaıta jańartylady.
- Avtomattandyrylǵan júıe: Joldardyń qalpyna keltirilgen ýchaskelerinde kólik quraldarynyń salmaǵy men kólemine qatysty parametrlerin ólsheýdiń avtomattandyrylǵan júıesi iske qosylady.
Bul jobany iske asyrý óńirlerdiń kóliktik-logıstıkalyq áleýetin ashýǵa eleýli úles qosady. Naqtyraq aıtsaq:
- Joldardyń tehnıkalyq sıpattamasy jaqsarady.
- Kólik magıstraldarynyń ótkizý qabileti men jaılylyǵy artady.
- Jol boıyndaǵy eldi mekenderdiń damýy.
- Halyqtyń iskerlik belsendiligi artady.
- Kólik qyzmetterin aqparattandyrý prosesi jedeldetiledi.
- Kólik tasymaldaryna qarjylyq jáne ýaqytsha shyǵyndar qysqarady.
Bul sharalar eldiń agrarlyq jáne ónerkásiptik sektorlarynyń damýyna oń áser etedi.