Maýsym aıynda jaýyn-shashyn az bolady.
«Qazgıdromet» mamandary aldaǵy jaz qandaı bolatynyn boljady, dep habarlaıdy Almaty-akshamy.kz.
Keler jaz, aýa raıynyń turaqsyz sıpaty bar kúndermen — nóser jańbyrly, naızaǵaıly jáne jeldi, sondaı-aq ashyq kúndermen sıpattalady.
«Jazǵy konsýltatıvtik maýsymdyq boljamǵa sáıkes, jazdyń alǵashqy eki aıynda respýblıkanyń batys jartysynda aýa temperatýrasy normadan joǵary, al eldiń shyǵys jartysynda — normaǵa jaqyn bolady dep boljanýda. Tamyz aıy salqyn bolady dep kútilýde — Qazaqstannyń kóptegen oblystarynda temperatýralyq fon klımattyq norma sheginde bolmaq, normadan joǵary tek Qazaqstannyń shetki soltústiginde ǵana bolady dep boljanady»,- delingen «Qazgıdropmet» habarlamasynda.
Boljam boıysha, maýsym aıynda Qazaqstannyń basym bóliginde jaýyn-shashyn normadan az bolady, respýblıkanyń soltústik-shyǵys jartysynda, eldiń ońtústigi men ońtústik-shyǵysynyń taýly jáne taý bókterindegi aýdandarynda jańbyr jaýýy yqtımal. Shilde men tamyz aılarynda bolsa kerisinshe, eldiń kóp bóliginde jaýyn-shashyn bolady - klımattyq normaǵa jaqyn.