Elimiz boıynsha 25 myńnan astam oqýshy kólikke muqtaj.
Balalar jyly aıasynda eldegi aýyl mektepteriniń avtobýs parki 515 avtobýspen jańartylady, dep habarlaıdy Almaty-akshamy.kz QR Bilim jáne ǵylym mınıstrliginiń baspasóz qyzmetine silteme jasap.
BǴM málimetinshe, bul balalardy mektepke jáne úılerine qaýipsiz tasymaldaýdy qamtamasyz etýge múmkindik beredi. Birinshi kezekte mektebi joq, shalǵaıdaǵy halqy az aýyldarda turatyn balalar qamtylady.
«Bıyl óńirlerdiń mektepterin balalardy tasymaldaıtyn jańa kóliktermen qamtamasyz etý máselesi respýblıkalyq deńgeıde sheshilip, jańa avtobýstar alýǵa qarjy bólinip jatyr. Sondaı-aq bilim berý uıymdaryn avtobýstarmen odan ári jabdyqtaý úshin Jol kartasy ázirlendi. Búgingi tańda 25 myńnan astam oqýshy kólikke muqtaj. Sondaı-aq mektep avtobýstaryna joǵary qajettilik Túrkistan, Aqmola, Batys Qazaqstan, Almaty, Pavlodar jáne basqa da oblystarda baıqalady», - dedi BǴM Balalardyń quqyqtaryn qorǵaý komıteti tóraǵasynyń orynbasary Dýlat Jekebaev.
Mınıstrlik aqparatynsha, qazirgi tańda barlyǵy 1 myńnan astam mektep avtobýsy qatynaıdy. Elimizde qurastyrylǵan jańa avtobýstar qarjylyq lızıń baǵdarlamasy boıynsha jeńildetilgen sharttarmen satyp alynady. Bul tetik el mektepteriniń barlyq avtobýs parkin kezeń-kezeńime
Bilim mınıstrligi balalardyń qaýipsizdigin barynsha qamtamasyz etý úshin kólikterge qoıylatyn tehnıkalyq talaptardy ázirlegen. Buǵan qosa, kólikter qaýipsizdik beldigi bar balalar oryndyqtarymen, salonda balalardy qaldyrýǵa jol bermeıtin júıemen, kabınanyń artqy jaǵyndaǵy avarıalyq esikpen jabdyqtalýy kerek.
Sondaı-aq oqýshylardyń qasynda mektep dırektorynyń buıryǵymen bekitilgen arnaıy qyzmetker bolýǵa tıis.