2024 jylǵy 1 maýsymda 66,5 myń otbasyndaǵy 352,2 myń adamǵa ataýly áleýmettik kómek taǵaıyndaldy.
Bıyl osy maqsatqa búdjetten 60,8 mlrd teńge qarastyrylǵan, dep habarlaıdy Almaty-akshamy.kz sala mınıstrligine silteme jasap.
Buryn habarlanǵandaı, AÁK-niń negizgi maqsaty – aqshalaı tólem túrinde qoldaýdy júzege asyrý jáne otbasynyń eńbekke qabiletti múshelerin jumyspen qamtýǵa járdemdesýdiń belsendi sharalaryna tartý arqyly otbasyn qıyn ómirlik jaǵdaıdan shyǵarý.
AÁK mynalardy kózdeıdi:
- tabysy óńirlik eń tómen kúnkóris deńgeıiniń 70% - nan aspaıtyn azamattarǵa toqsan saıyn áleýmettik kómek taǵaıyndaý;
- tabysy az otbasylardaǵy 1 jas pen 6 jas aralyǵyndaǵy ár balaǵa 1,5 AEK (5 538 teńge) mólsherinde aı saıynǵy qosymsha tólem berý. 2024 jylǵy 1 maýsymda AÁK alýshylar qatarynan mektep jasyna deıingi 108,2 myń balaǵa 2,5 mlrd teńge somasyna qosymsha tólem taǵaıyndaldy;
- jumysqa ornalastyrý, óz isin ashýǵa nıetti otbasylarǵa granttar berý, biliktilikti arttyrý kýrstaryna jiberý (qajet bolǵan jaǵdaıda) jáne ózge de sharalar arqyly jumyspen qamtýǵa járdemdesý.
Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha mansap ortalyǵynda, aýyl okrýginiń ákimine sondaı-aq Elektrondyq úkimet portaly (egov.kz) arqyly bere alady.