Almatynyń Naýryzbaı aýdanyndaǵy qaraýsyz qalǵan aýmaqta oıyn jáne sport alańdary bar zamanaýı skver salyndy. Jańa skverge kún saıyn 800 ge jýyq bala barady
Almaty ákimi Erbolat Dosaev jumys sapary aıasynda Almatynyń Naýryzbaı aýdany «Qalqaman shaǵyn aýdanyndaǵy kólemi 0,8 ga boatyn jańa qoǵamdyq keńistikti aralady, dep habarlaıdy aqshamnews.kz
Buryn bul ýchaske qaraýsyz qalǵan bos jer bolǵan, al qazir «Halyq qatysatyn búdjet» baǵdarlamasynyń arqasynda qala turǵyndarynyń bos ýaqytyn ótkizetin ádemi jáne yńǵaıly keńistikke aınaldy. Kún saıyn alańǵa 1000 – ǵa jýyq adam keledi, olardyń 800-ge jýyǵy balalar men jasóspirimder.
Kelýshilerge jaılyly bolý úshin 2 myń sharshy metr jaıaý júrginshiler aımaǵy abattandyryldy, 17 balalar oıyn kesheni men 13 sporttyq trenajer ornatyldy, basketbol-voleıbol alańdary, fýtbol alańy, tenıs ústelderi bar. Sonymen qatar, 400-den astam jasyl jelek otyrǵyzyldy, avtomattandyrylǵan sýarý júıesi ornatyldy, jańbyr sýyn burý úshin aryq júıesi jabdyqtaldy.
Qoǵamdyq keńistik qurylysynyń nátıjelerin tekserý barysynda Erbolat Dosaev jergilikti turǵyndarmen áńgimelesti, olar osy jobany júzege asyrǵany úshin ákimge alǵystaryn bildirdi.
«Jyl saıyn bizdiń aýdanda jańa demalys alańdary salynyp jatqanyna qýanyshtymyz. Buryn bul ýchaske qaraýsyz qalǵan, munda belgili bir turǵylyqty jeri joq adamdar turatyn. Qazir bul zamanaýı alań, barlyǵy yńǵaıly. Biz munda balalarmen kelemiz, serýendeımiz. Jańa keńistikte túrli jastaǵy adamdar demala alady. Kishkentaı balalar úshin tipti kóńildi jer-túrli oıyn keshenderi óte kóp, olar kúndiz-túni osynda oınaıdy. Munda jasóspirimder men jastar sportpen shuǵyldana alady. Zeınetkerler de osynda demalady. Osy jerde patrúldeýdi kúsheıtýdi suraımyz», - dedi Naýryzbaı aýdanynyń turǵyny Záýresh Mustafaeva.
Óz kezeginde Erbolat Dosaev Naýryzbaı aýdanynda qoǵamdyq qaýipsizdikti qamtamasyz etý úshin beınemonıtorıng júıesiniń (AÓSSHK) 600 kamerasy ornatylatynyn atap ótti. Olardyń úsheýi jańa alańǵa ornalastyrylǵan. Kameralardan beınematerıaldar birden qala polısıasyna kelip túsedi.
«Meniń tapsyrmam boıynsha munda taǵy 4 kamera ornatylady. Osylaısha, biz turǵyndardyń tolyq qaýipsizdigin qamtamasyz etemiz. Biz jańa formattaǵy skver saldyq. Munda ártúrli oıyn jáne sport alańdary, kishi sáýlet pishinderi, sonyń ishinde aǵashtan jasalǵandar bar. Birte-birte biz jergilikti turǵyndardyń jaıly ómir súrýi úshin jańa qoǵamdyq keńistikter quryp, jaqsartatyn bolamyz. Mysaly, Biz Qarǵaly ózeniniń jaǵasynda serýendeý aımaǵyn qurýdy josparlap otyrmyz», - dedi qala basshysy.
Aıta keterligi, «Halyq qatysatyn búdjet» (HQB) aıasynda Naýryzbaı aýdanynda bıyl barlyǵy 2,5 mlrd teńgege 40 joba iske asyrylatyn bolady.
Jalpy Almatyda aǵymdaǵy jyly «HQB» jobasyna 18,8 mlrd teńge bólindi, bul ótken jylmen salystyrǵanda 5,8 mlrd teńgege kóp. Qala turǵyndary aýlalardy, qoǵamdyq keńistikterdi abattandyrý, sport jáne oıyn alańdaryn qurý boıynsha 364 jobany usynýǵa jáne iske asyrýǵa múmkindik alady.