Bul QR UQK málimdemesi.
Quqyq buzýshylardyń arasynda alys shetelden kelgen mıgranttar da bar, dep habarlaıdy Almaty-akshamy.kz
«Qazaqstan shekarashylary jyl basynan beri 30 823 quqyq buzýshyny ustady. Shekara qyzmeti bıyl qarasha aıynda quzyretti organdarmen birge Qazaqstan zańnamasyn buzǵan 5 820 adamdy ustady», delingen UQK baspasóz qyzmeti taratqan aqparatta.
Onyń 28-i sheteldikter: 11-i qyrǵyzstandyq, 9-y Ózbekstan azamaty, 7 pákistandyq jáne bir adam Reseı azamaty.
"Taǵy 19 sheteldik Qazaqstan shekarasyn buzý kezinde ustaldy. Olardyń ishinde alty Ózbekstan azamaty, tórt aýǵan, tórt Iemennen kelgen zańsyz mıgrant, úsh sırıalyq jáne bir Tájikstan men bir Serra-Leone azamaty bar", - dep habarlady baspasóz qyzmeti.
Sonymen qatar UQK málimeti boıynsha qarasha aıynda shekarashylar 858 ret memlekettik shekarany zańsyz kesip ótý faktisiniń aldyn aldy.
"Jalpy salmaǵy 493 gram bolatyn esirtkige qatysty 51 fakt, qarý-jaraq, oq-dáriler boıynsha 17 fakt, dinı ádebıet – 18 fakt, quny 26 mln bolatyn 360 janar-jaǵar maı faktisi anyqtaldy", - deıdi vedomstvomamandary.
858 mıllıon teńgeden asatyn halyq tutynatyn taýarlardy alyp ótýdiń 343 faktisi anyqtaldy. Al valútaǵa qatysty jalpy somasy 760 mıllıon teńgeden asatyn 69 faktiniń aldyn alǵan.
Kaspııde shekarashylar 26 márte brakonerlerdi toqtatty.
"Shekarashylar 252 mıllıon teńge zalaldyń aldyn aldy. Materıaldar quqyq qorǵaý jáne sot organdaryna berildi", - dep tolyqtyrdy baspasóz qyzmeti.
Vedomstvo qarasha aıynda memlekettik shekarada qandaı da bir shekteý sharalary engizilmegenin, barlyq ótkizý pýnkti shtattyq rejımde jumys istep turǵanynyn erekshe atap ótti.