Qazaqstandyqtardyń zeınetaqy jınaqtary jyl basynan beri 455 mlrd teńgege kóbeıdi
Jyl basynan beri ınvestısıalyq tabys túsken jarnalar somasynan asyp tústi. 2021 jyldyń 1 jeltoqsanyndaǵy jaǵdaı boıynsha, Biryńǵaı jınaqtaýshy zeınetaqy qory salymshylarynyń shottarynda 13,4 trıllıon teńgeden astam zeınetaqy jınaqtary qalyptasty, dep habarlaıdy Almaty-akshamy.kz 24.kz-ke silteme jasap
01.12.2020 - 01.12.2021 aralyǵyndaǵy bir jyl ishinde zeınetaqy jınaqtarynyń somasy 648,8 mıllıard teńgege nemese 5%-ǵa ósti, al 2021 jyldyń qańtar aıynan beri 455 mlrd teńgege nemese 4 paıyzǵa ósti.
Zeınetaqy jınaqtarynyń negizgi somasy mindetti zeınetaqy jarnalary (MZJ) esebinen jınaqtaldy, onyń mólsheri 13,0 trln teńge (sońǵy 12 aıdaǵy ósim – 5%). Mindetti kásiptik zeınetaqy jarnalary (MKZJ) boıynsha zeınetaqy jınaqtarynyń somasy 361,8 mlrd teńge (ósim – 17%), al erikti zeınetaqy jarnalary (EZJ) boıynsha zeınetaqy jınaqtarynyń somasy 1,7 mlrd teńgege jetti. 2021 jyldyń ony bir aıynda BJZQ salymshylary ótken jyldyń sáıkes kezeńine qaraǵanda kóbirek qarajat saldy. 2021 jyldyń 1 jeltoqsandaǵy jaǵdaı boıynsha salymshylardyń shottaryna jalpy kólemi 1,2 trln teńge zeınetaqy jarnalary tústi, bul 2020 jyldyń sáıkes kezeńindegi kórsetkishten 227,9 mlrd teńgege nemese 24% artyq. Jarnalardyń jalpy kóleminiń 95,7% BJZQ-ǵa MZJ boıynsha túsimder quraıdy, ol 1,1 trln teńge (sońǵy 12 aıdaǵy ósim - 24%), MKZJ boıynsha 50,4 mlrd teńge (ósim 17%), 660 mln teńge (ósim 38%) EZJ boıynsha aýdaryldy.
Salymshylardyń jarnalarynan basqa, zeınetaqy jınaqtarynyń aıtarlyqtaı ósýi 2021 jylǵy 1 qańtar aıynan 1 jeltoqsanyna deıin 1,3 trıllıon teńgeden astam taza ınvestısıalyq tabystyń arqasynda qamtamasyz etildi.
Bul byltyrǵy kórsetkishterden 210 mlrd teńgege nemese 19 paıyzǵa asyp túsken. Qazaqstan Ulttyq Bankiniń basqarýymen BJZQ zeınetaqy aktıvteri boıynsha kiristilik jyl basynan beri 11,0%, al ınflásıa 7,8% qurady. Bul rette sońǵy 12 aıdaǵy kiris – 11,77% , osy kezeńdegi ınflásıa – 8,7% kórsetti. BJZQ-daǵy jeke zeınetaqy shottarynyń sany 2021 jyldyń 1 jeltoqsanyndaǵy jaǵdaı boıynsha 11,7 mln birlikke teń.
Shottardyń eń kóp sany mindetti zeınetaqy jarnalary (MZJ) boıynsha ashylǵan, olardyń sany – 10 868 712 birlik. Odan ári MKZJ esebinen qalyptasqan shottar – 542 397 birlik. BJZQ-daǵy EZJ esebinen qalyptasqan shottar sany qazir 59 217 birlik boldy. Jyl basynan beri BJZQ salymshylaryna shamamen 2,4 trln teńge tólendi, tólemderdiń basym bóligin turǵyn úı jaǵdaıyn jaqsartý men emdelý aqysyn tóleý maqsatynda alynǵan birjolǵy zeınetaqy tólemderi (BZT) qurady, onyń kólemi – 2,1 trln teńge. Jasy boıynsha tólemder – 89,2 mlrd teńge.
Saqtandyrý uıymdaryna aýdarymdar 54,1 mlrd teńgeni qurasa, muragerlik boıynsha tólemder – 52,5 mlrd teńge, QR sheginen tys TTJ ketýge baılanysty tólemder – 37,5 mlrd teńge, jerleýge – 5,0 mlrd teńge jáne múgedektik boıynsha tólemder 2,0 mlrd teńge.
Aıta keterlik jaıt, keste boıynsha BJZQ-dan tólenetin aı saıynǵy ortasha tólem somasy (zeınet jasyna tolýyna baılanysty) 28 431 teńge, al aı saıynǵy tólemniń eń joǵary somasy 673 643 teńge boldy.