Oǵan sebep - qoldanystaǵy zańnamada arnaıy normanyń bolmaýy.
Bul týraly Tutynýshylardyń quqyqtaryn qorǵaý komıtetiniń tóraǵasy Asqar Tynysbekov aıtty, dep habarlaıdy Almaty-akshamy.kz QazAqparatqa silteme jasap.
«Bıylǵy 10 aıda tutynýshylardyń quqyqtaryn qorǵaý komıtetine kelip túsken ótinishterdiń 45,6 paıyzy sheshimin tapty. 42,4 paıyzynda kórsetilgen másele boıynsha quqyqtyq kómek kórsetildi. Al ótinishterdiń 12 paıyzynda tutynýshylardyń quqyǵy qorǵalǵan joq. Mine, dál osy 12 paıyz azamattyń tutynýshy quqyǵyn qasaqana buzǵan bıznes sýbektilerine aıyppul salý úshin zańnamada arnaıy norma qajet», - dep atap ótti Asqar Tynysbekov.
Onyń aıtýynsha, aǵymdaǵy jyldyń 10 aıynda quqyǵy saqtalmaǵan tutynýshylardan túsken aryzdar byltyrmen salystyrǵanda 139 paıyzǵa ósken.