Tek ósimdik sharýashylyǵy boıynsha 107,2 mlrd teńge baǵyttalady
Búginde elimizdiń barlyq oblysy jappaı egis naýqanyna kiristi, dep habarlaıdy Almaty-akshamy.kz.
«Egis naýqanyn ońtaıly jáne qajetti merzimde ótkizý úshin memleket tarapynan barlyq sharalar qabyldanatyn bolady. Bıyl sharýalarǵa buryn-sońdy bolmaǵan kómek kórsetiledi», - dep túsindirdi ASHM Ósimdik sharýashylyǵy departamentiniń dırektory Azat Sultanov.
Prezıdent Qasym-Jomart Toqaevtyń tapsyrmasyna sáıkes aýyl sharýashylyǵyn qarjylandyrý kólemi ulǵaıtyldy, bul eldiń azyq-túlik qaýipsizdigin sapaly qamtamasyz etýge múmkindik beredi.
AÓK-ni memlekettik qoldaýǵa bólingen qosymsha qarajatty eskere otyryp, respýblıkalyq búdjetti naqtylaý nátıjeleri boıynsha 449 mlrd teńge kózdelgen.
Tek ósimdik sharýashylyǵy baǵyty boıynsha 107,2 mlrd teńge baǵyttalady, sondaı-aq áleýmettik nan óndirisiniń mańyzdylyǵyn eskere otyryp, astyqty sýbsıdıalaý úshin 9,2 mlrd teńge kózdelgen.
Ákimdikterdiń derekterine sáıkes, bıyl jalpy egis alańy 23 mln gektardy quraıdy, bul 2021 jylǵy deńgeıden 105 myń gektarǵa kóp.
Sondaı-aq bıyl 3,6 mln ga jemshóp daqyldarynyń alańyn ulǵaıtý josparlanyp otyr, bul kóbirek jem-shóp óndirýge jáne muqtaj óńirlerdi qamtamasyz etýge múmkindik beredi. Sondaı-aq, kartop, kúnbaǵys, kókónis, ıaǵnı áleýmettik daqyldar egiletin alqaptar da ulǵaıtyldy.
Bıylǵy jyldyń ónimine egis naýqanyn júrgizý úshin 2,3 mln tonna tuqym sebildi, bul qajettiliktiń 100% kórsetip otyr.
Egis jumystary barlyq oblystarda júrgizilip jatyr. Atap aıtqanda, 2,9 mln ga nemese jospardan 19% jazdyq daqyldar, onyń ishinde maıly daqyldar 1,5 mln. ga (47,8%), dándik júgeri – 231,2 myń ga (87,2%), kópjyldyq shópter – 309,6 myń ga (70,7%), kartop – 133,4 myń ga (68%), kókónis – 128,7 myń ga (75,9%) jáne t. b.
Aýyl sharýashylyǵy taýar óndirýshilerin tyńaıtqyshtarmen qamtamasyz etý jumystary da júrýde. Bıyl barlyǵy 670,0 myń tonnadan astam tyńaıtqysh engizý josparlanǵan, qazirgi kúni 308,1 myń tonna nemese jospardyń 46% tıeldi.
Úkimettiń qoldaýynyń arqasynda otandyq mıneraldy tyńaıtqyshtardy óndirýshilermen agrarıılerdiń qajettilikterin qamtamasyz etý týraly ýaǵdalastyqqa qol jetkizildi. Amıak selıtrasynyń baǵasy 200 myń teńgeden 160 myń teńgege deıin tómendedi. Tyńaıtqyshtar baǵasyn tómendetý boıynsha qosymsha jumystar jalǵasyp jatyr.
Qazirgi egis naýqanyna 144 myń traktor, 4,7 myń joǵary ónimdi egis kesheni, 77 myń birlik astyq sepkish, 221 myń basqa da topyraq óńdeý quraldary qoldanylýda
Egis jumystaryn júrgizý úshin 400,2 myń tonna dızel otyny bólindi (2021 jyly 380,0 myń tonna bolǵan edi). Sondaı-aq, bıyl kóktemgi dala jumystaryn júrgizýdi qarjylandyrý úshin 140 mlrd teńge kóleminde búdjettik nesıe bólindi, astyqty forvardtyq satyp alý sheńberinde 80 mlrd teńge kózdelgen.
«Kóktemgi dala jumystaryn tabysty júrgizý máselesi Aýyl sharýashylyǵy mınıstrliginiń turaqty jáne erekshe baqylaýynda ekenin atap ótý kerek. Osy maqsatta mınıstrlikte kóktemgi dala jumystaryn júrgizýdiń barlyq problemalyq máselesin ýaqtyly sheshýge arnalǵan jedel shtab qurylyp, atalǵan baǵyttaǵy jumystarǵa erekshe mán berilgen», - dep qorytyndylady Azat Sultanov.