Qazir alyp qozyquıryqqa qyzyǵýshylar kóp
Túrkistan oblysynyń Báıdibek aýdanynda adam qushaǵymen birdeı alyp qozyquıryqtar ósip shyqty, dep habarlaıdy Almaty-akshamy.kz QazAqparatqa silteme jasap.
Boraldaı aýyldyq okrýgine qarasty Qostura taýynyń bókterinde shyqqan úlken sańyraýqulaqtardy birinshi bolyp aýyl turǵyndary baıqaǵan.
Tórt túligin taýǵa aıdaǵan boraldaılyqtar jaılaýda jaıqalyp ósken qozyquıryqtardy qoldaryna ustap, sýretke túsipti.
Keıin jelide taraǵan bul fotolar kópshiliktiń tańdanysyn týǵyzdy. Al, aýyl turǵyndary men aqsaqaldar mundaı erekesheliktiń sırek kezdesetinin aıtyp otyr.
«Bul - sırek kezdesetin jaǵdaı. 10, 15 jyl buryn da osylaı alyp bolyp ósken eken. Mamyr aıynda jaýyn-shashyn kóp boldy. Sodan bıyl qaıta shyqty. Ótkende aýyldyń jastary izdep barǵan eken, tappapty», - deıdi Boraldaı aýyldyq okrýginiń ákimi Asylhan Toqtamysov.
Qazir alyp qozyquıryqqa qyzyǵýshylar kóp. Jelide taraǵan sýretterine de ártúrli pikir jazylyp jatyr.
Sonyń ishinde taý etegindegi sańyraýqulaqtardy eshkim julmaǵan soń úlkeıip ketken degen de boljam jasap jatqandar bar.