Ár qazaqstandyq 70 keli qarbyz jeıdi
Bıyl Qazaqstannyń qarbyz ósirýden álemdik reıtıńisi jaqsarýy múmkin. Jalpy elimiz búginde 11-shi orynda tur. Byltyr el dıqandary 1,5 mln tonnaǵa jýyq qarbyz jınaǵan, dep habarlaıdy aqshamnews.kz 24.kz-ke silteme jasap.
Al bıyl bul kórsetkish edáýir artýy múmkin. Sebebi ońtústiktegi dıqandar ekinshi márte ónim jınaýǵa kiriskeli otyr. Sonymen qatar elde qant óndirisi de ulǵaıdy. Nátıjesinde ótken aptada qant baǵasy arzandady. Iá, elimiz qarbyz ósirý kólemi boıynsha 2021 jyly álemdegi úzdik ondyqqa kirgen. Taǵy bir qyzyq derek, ár qazaqstandyq bir jylda 70 keliden astam qarbyz jeıdi eken.
Ár qazaqstandyq jylyna 70 keliden astam qarbyz jeıdi. Ulttyq statısıka búrosynyń málimetine súıensek, byltyr elde sharýalar 1 mln 4 myń tonna qarbyz jınaǵan. Bul – 2022 jylmen salystyrǵanda 7% artyq kórsetkish. Alaıda ónimniń tek 7,5 myń tonnasynan astamy eksportqa shyǵarylǵan. Demek qalǵan qarbyz el turǵyndarynyń dastarqanynan oryn tapqany anyq. Jalpy qarbyz ósirý boıynsha Qazaqstan álemde aldyńǵy qatardan oıyp turyp oryn alady. Eki jyl buryn Birikken Ulttar Uıymynyń Azyq-túlik jáne aýyl sharýashylyǵy uıymynyń reıtıńinde bizdiń el 11-shi orynǵa turaqtaǵan. Munda Qytaı, Túrkıa men Úndistan kósh bastap tur. Al irgedegi kórshilerimiz Reseı men Ózbekstan 7-shi jáne 10-shy satylardy enshilegen. Bıyl Qazaqstannyń reıtıńidegi orny kóterilýi múmkin. Sebebi qarbyz ekken dıqandar jaqyn kúnderi ekinshi márte ónim jınaýdy josparlap otyr.