Bul iske qytaılyq ǵalymdardyń kógaldandyrýǵa arnalǵan ónertabysy kómektespek.
Jańa tehnologıa álemniń eki jerinde synaqtan sátti ótip, tıimdili dáleldengen, dep habarlaıdy aqshamnews.kz 24.kz-ke silteme jasap.
Kelesi kezek – Qyzylorda oblysynyń aýmaǵynda. Ulttyq bıotehnologıa ortalyǵynda sala jetekshileri men Qytaı memleketiniń Qazaqstandaǵy elshisi kezdesip, máseleni jan-jaqty talqylady.
Pılottyq joba keler jyly kóktemde bastalady. Sondaı-aq eki tarap jańadan ashylǵan genetıkalyq zerthananyń jumysymen tanysty. Munda da qos el ǵalymdarynyń medısına salasyndaǵy jetistikteri tereń zerttelip, túrli aýrýlardy dıagnostıkalaýdyń ınovasıalyq ádisteri ázirlenedi.
Ǵabıdolla Ospanqulov, QR Syrtqy ister mınıstrligi ınvestısıa komıtetiniń tóraǵasy:
- Ótken joly Qyzylordaǵa baryp, jańaǵy pılotttyq júzege asatyn jerdiń pochvasyn aldy. Olar aıtyp otyr, buǵan deıingi jerden ózgeshelik bar dep. Árıne, ár jerdiń ózgesheligi bolady ǵoı. Soǵan baılanysty reagentti tańdaımyz dedi. Soǵan sáıkes keletin. Kelesi jyldyń erte kókteminen bastap ketemiz jumysty. Sonyń nátıjesinde ylǵaldy saqtaý, mıkroorganızm paıda bolýy, shóptiń ósýi biraz ýaqyt alady. 1-2 jylda bir nátıje kórinedi.
Chjan Sáo, Qytaıdyń Qazaqstandaǵy elshisi:
- Saladaǵy seriktestik nyǵaıa beredi. Aldaǵy ýaqytqa josparymyz kóp. Sonyń biri – mamandar daıarlaý. Jas ǵalymdar men qyzmetkerler Qytaıǵa kelip, biliktilgin arttyra alady. Naqty ýaǵdalastyq bar, olar bizdiń elden taǵylymdamadan ótedi.