2023 jylǵy 1 mamyrdaǵy jaǵdaı boıynsha, 6 114 etnıkalyq qazaq tarıhı otanyna oralyp, qandas mártebesin aldy, dep habarlaıdy Almaty-akshamy.kz BAQ.KZ-ke silteme jasap.
Jyl basynan Qazaqstanǵa kelgen qandastardyń jartysy (53,9%) Ózbekstannan, 19,1% – Qytaıdan, 12,1% – Reseıden 5,6% – Túrikmenstannan, 5,7% – Mońǵolıadan, jáne 1% basqa elderden.
Kelgen etnıkalyq qazaqtar negizinen Almaty (27,2%), Mańǵystaý (13,8%), Túrkistan (6,4%) jáne Jambyl (5,1%) oblystaryna, sondaı-aq Astana (11%), Almaty (8,8%) jáne Shymkent (7,1%) qalalaryna qonystandy.
Osy jyldyń 1 mamyryndaǵy jaǵdaı boıynsha, eńbekke qabiletti jastaǵy etnıkalyq qonys aýdarýshylar sany 68,8%-dy, eńbekke qabiletti jastan kishi 22,9%-dy jáne zeınetkerler 8,3%-dy quraıdy.
Eńbekke qabiletti jastaǵy qandastardyń ishinen bilim deńgeıi boıynsha 18%-y joǵary bilimdi, 38,6%-y orta kásibı bilimdi, 37,4%-y jalpy orta bilimdi jáne 5,9%-ynyń bilimi joq.
Jalpy, 1991 jyldan beri respýblıkaǵa 1 mıllıon 112,6 myń etnıkalyq qazaq oralǵanyn aıta keteıik.